Македонија

Даути: Ужасно е беснеењето на ДУИ, за да се врати на власт, но есенва ќе заврши нивната долга ера на злоупотреби и малтретирање на Албанците!

Заменик-директорот на Царината на Република Македонија Мустафа Даути се мајтапи со ДУИ, нарекувајќи ја „партија со соларен панел“, на која и „снемало сончева енергија“ веднаш штом ја изгуби власта!

Заменик-директорот на Царината на Македонија Мустафа Даути преку својот личен фејсбук-профил изрази мислење поврзано со актуелната политичка ситуација. Според Даути, жедта на ДУИ да се врати на власт е ужасна. Тој иронично ја нарекува ДУИ „партија со соларен панел, на која ѝ снемало сончеви зраци“, алудирајќи на власта. Ова го објави информативниот портал на албански јазик „Фол“,

Нтаму порталот истакнува: „ДУИ стана политички феномен што може да се разбере само преку едноставна метафора на „партија со соларен панел“. Повеќе од две децении на власт ДУИ функционираше како соларен панел што собираше енергија, не од самата себеси, или од својата база, или членството, туку од власта. Додека имаше сончева светлина, оваа партија сјаеше, се полнеше со енергија однадвор и изгледаше како да е нескршлива. Но, веднаш штом ја изгуби власта, кога ѝ прекина изворот на енергија, ДУИ остана без батерии, без функција, без сопствена енергија. Ова е разликата меѓу партиите, што живеат од идеи и партиите, што преживуваат од привилегии.“ – напиша на општествената мрежа Мустафа Даути.

Тој додаде дека ДУИ за прв пат влегува во трката без да биде на власт, па затоа го гледа ова како предност во однос на Вреди. Но според Даути, оваа есен ќе биде времето кога ќе заврши ерата на ДУИ.

„За прв пат во својата историја ДУИ влегува на избори, а да не е на власт. Ова не е само изборен предизвик за неа, туку политичка казна. За жалење e што се упропастија и што западнаа во тешка ситуација, па се однесуваат како бесни, за да се вратат на власт. Значи, не им беа доволни 22 години лошо владеење, па бараат уште повеќе, за да го уништат целосно недолжниот албански народ. На есен нема сонце. На есен има дожд. За ДУИ овој дожд нема да биде освежување, туку ќе биде пороен дожд, што ќе го означи крајот на долгата ера на злоупотреби и малтретирање на Албанците!“ – заклучи заменик-директорот на Царината Мустафа Даути. 

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top