Директорот на СОЗР, Ивица Томовски во гостувањето во емисијата „Ноќно студио“ на „4ТВ“ откри дека Владата подготвува масовна и досега невидена централна прослава за Денот на независноста – 8-ми Септември
Тој посочи дека покрај светската диџеј ѕвезда Дејвид Гета (David Guetta), на сцените ширум државата ќе продефилираат преку 120 домашни изведувачи.
„Сè ќе биде целосно транспарентно и Владата официјално ќе ги објави сите податоци. Околу делот на финансиите и постапките, верувајте, јавноста ќе биде детално запознаена. Она што можам да го откријам е дека веќе за утрешниот ден е закажана прес-конференција каде ќе се објави вториот дел од планот – односно што и како точно ќе се случува за 8 септември“, истакна Томовски.
Меѓу другото, тој потенцираше дека фокусот на прославата не е ставен исклучиво на диџејот, туку дека манифестацијата ќе има силен домашен и децентрализиран карактер низ 11 градови во државата.