Македонија

Денес во Охрид Националниот совет за УНЕСКО ќе ги одреди мерките, за да не влезе регионот на листата на светско културно наследство во опасност

Комитетот за светско културно наследство на УНЕСКО изготви нацрт-одлука, со која се предлага охридскиот регион да биде ставен на листата на светски природни и културни богатства во опасност. На 10 јули Комитетот во Париз одлучи да го одложи официјализирањето на нацрт-одлуката и да им даде на Македонија и на Албанија уште една година да исполнат низа задолженија и да постапат по препораките.

2 минути за читање

Националниот совет за УНЕСКО на Република Македонија денес, на 21 август 2025 година во Охрид ќе го одржи состанок, на кој ќе се разгледуваат забелешките и препораките на светската организација околу состојбите со охридскиот регион и ќе се одредат активностите, за да не влезе регионот на листата на светско културно наследство во опасност.

„Во Охрид ќе го одржам следниот состанок на Националниот совет  за УНЕСКО, во кој членуваат повеќе од 16-17 институции. Ќе проговориме реално за проблемите и забелешките, односно за препораките од УНЕСКО. Ќе донесеме заклучоци, ќе ја информирам Владата и ќе видиме кои ќе бидат следните чекори. Имаме краток период до февруари наредната година да го поднесеме извештајот за конкретните чекори, што ќе ги преземеме.“ – изјави министерот за култура и туризам Зоран Љутков за ТВ Канал 5.

Овој состанок уследува, откако на почетокот на летово беше објавена информација дека Комитетот за светско културно наследство на УНЕСКО изготвил нацрт-одлука, со која се предлага охридскиот регион да биде ставен на листата на светски природни и културни богатства во опасност. На 10 јули Комитетот во Париз одлучи да го одложи официјализирањето на нацрт-одлуката и да им даде на Македонија и на Албанија уште една година да исполнат низа задолженија и да постапат по препораките, забележани во претходните извештаи на Реактивните набљудувачки мисии. Извештајот до УНЕСКО треба да биде доставен до 1 февруари наредната година.

Запрашан дали охридскиот регион ќе биде спасен, за да не се најде на оваа листа, но и на кој начин, Љутков укажа дека станува збор за повеќегодишен проблем, кој како еден од посериозните веќе го имал на маса кога лани беше назначен за министер за култура и туризам. Во врска со мерките, што треба да се преземат, Љутков рече дека ќе треба да се направи координација со надлежните во Албанија. „Веќе покренавме иницијатива од наша страна да направиме координација и со нив. Има волја од нивна страна.“ – додаде Љутков.

Запрашан дали се дејствува да се заштити Охридското езеро од фрлање секаков отпад во него од несовесни граѓани, Љутков рече оти не знае дали тоа влегува во препораките на УНЕСКО. „Има други институции, кои директно се надлежни за конкретниот проблем. На состанокот ќе се осврнеме и на ова.“ – напомна Љутков.

„Фактор“

Поврзани теми:

Македонија|Зоран Љутков|УНЕСКО|Охридски регион|светско културно наследство во опасност

Повеќе на оваа тема:

Најнови вести од: Македонија

(Фото): Хаос на граница пред продолжениот викенд

Повеќе од три илјади македонски државјани утринава ја поминале македонско-грчката граница на преминот „Богородица“, велат од МВР и додаваат дека на истиот граничен премин, до 10 часот, поминале над 11 илјади државјани на други земји. Од македонска страна, не е забележан застој на граничните премини на југоисточниот дел од земјата и додаваат дека се преземни мерки со ставање на функција на сите човечки и технички капацитети за да се забрза протокот на патници, со спроведување на задолжителните гранични проверки.

(Фото): Синдикален марш: 260.000 работници живеат со плата под 600 евра, мал број излегоа на протест

ССМ и годинава со протест го одбележа Први Мај – Денот на трудот. Протестот започна пред зградата на Сојузот на синдикати, продолжи кон Собранието, па пред Стопанската комора, а заврши пред Владата. Синдикалците со јасни барања: Повисока минимална плата, почитување на колективните договори и подобра заштита на работниците на нивните работни места. Предупредија дека состојбата е сериозна. Само во 2025 година 31 работник заминал на работа и не се вратил дома.

АНБ разби радикална терористичка група поврзани со Исламска држава и со обидот за палежот на еврејската синагога во Скопје!

Агенцијата за национална безбедност согласно своите надлежности презеде оперативно-технички и аналитички мерки и активности со цел идентификување на мотивите и непосредните извршители на обидот за опожарување на објектот на Еврејска заедница во Скопје. Во таа насока од страна на Агенцијата се прибраа информации и беа идентификувани лица – најверојатни извршители и нивна логистичка мрежа, како и повеќе објекти во Скопје, кои според нашите индиции, како дел од радикална групација идеолошки надоврзани на глобалната мрежа на Исламска држава, непосредно по повикот на споменатата терористичка организација од почетокот на април, презедоа насилни активности.

Поранешниот градоначалник на Струмица „заработи“ кривична пријава, поради сомнеж за злоупотреба на овластувањата – потпишал изградба на дивоградба!

Поднесена е кривична пријава против поранешниот градоначалник на Струмица и уште четири лица за „несовесно работење во службата“, злоупотреба на службена положба и овластување“ и „бесправно градење“

Приведени седуммина за обидот за палење на синагогата на Еврејската заедница во Скопје, одреден притвор за двајца поради сомнеж за „тероризам“

Министерството за внатрешни работи го расчисти случајот со обидот за опожарување на верскиот објект на Еврејската заедница во Скопје на 12.04.2026 околу 5 часот изутрината. Веднаш по добиената пријава преземени се соодветни мерки и активности од страна на Секторот за борба против тероризам, насилен екстремизам и радикализам при Одделот за сузбивање на организиран и сериозен криминал во координација со СВР Скопје и Агенцијата за национална безбедност. Беа преземени повеќе оперативно- тактички мерки на подрачје на град Скопје.
Сите вести од Македонија

Најнови вести

To top