По десет месеци судски процес, денеска во Кривичниот суд треба да биде изречена пресуда за убиството на 14-годишната Вања Ѓоревска и 74-годишниот Панче Жежовски.
Обвинети за грозоморното двојно убиство што ја потресе јавноста на 14-годишната Вања, и на пензионерот од Велес, Панче, се Љупчо Палевски, Боре Видевски, Велибор Манев, Влатко Кешишов, како и таткото на Вања, Александар Ѓорчевски.
Според обвинението, тие заедно испланирале грабнување на 14-годишното девојче Вања Ѓорчевска со цел да присилат член на нејзиното потесно семејство да даде парични средства за откуп.
Обвинението ги товари Палевсски и соучсниците за претходно грабнување на Панче Жежовски , со намера да го присилат да им го даде сопственото возило „цитроен“ за да го користат за грабнување на девојчето во Скопје.
Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.