Денеска ќе преовладува сончево време со мала локална облачност и со слаб до умерен променлив ветер, соопшти Управата за хидрометеоролошки работи (УХМР).
Минималната температура ќе се движи од 8 до 18 степени, а максималната ќе достигне меѓу 29 и 37 степени Целзиусови.
Во Скопје: Сончево време со мала облачност и слаб до умерен променлив ветер. Утринската температура ќе се спушти до 14 степени, додека дневната ќе достигне до 36 степени.
Според прогнозата на УХМР, во наредните денови ќе преовладува претежно стабилно и топло време. Ќе дува умерен, а на места и повремено засилен ветер од северен правец.
Утре се очекува локален развој на нестабилна облачност, проследена со пороен дожд и грмежи.