Поранешниот пратеник Илија Димовски со восклик за татковината Македонија на државниот празник Ден на македонската револуционерна борба.
„Името Македонија е напишано со пот, со крв, со збор и со надеж, на секој борец за неа, од Димитар Поп Горгиев, преку Дамјан Груев, па сè до Методија Андонов. Денес, нашата задача е револуционерна, да ги напоиме жедните за правда, да посееме зрна на знаење и да ги нахраниме идните генерации со верба, а не со страв и сомнеж во својата татковина. Да ги чуваме ридовите и долините на Македонија не со тешки зборови, туку со чесни дела. Нека е вечна славата на сите што го започнаа овој пат. Нека е вечна Република Македонија“, порача Димовски од социјалната мрежа Икс.