Македонија

Трипуновски: Извезени се над 100 000 јагниња за Велигден, исплатени се сите субвенции за одгледувачите на овци

Досега се откупени и извезени околу 100 000 јагниња во Велигденскиот откупен „шпиц“

3 минути за читање

Досега се откупени и извезени околу 100 000 јагниња во Велигденскиот откупен „шпиц“. Цената за сточарите е добра, а со исплатата на преку една милијарда денари субвенции за грло овца, се заокружува целосната исплата за одгледувачите на овци во Македонија за 2025 година, им соопшти на одгледувачите на овци министерот за земјоделство Цветан Трипуновски на денешната средба со нив во Прилеп.Откупната цена моментално е 280 денари и е повисока од лани. Има уште за да се дозаврши откушпот на јагнињата од оваа реколта.

-Она што може да им го речам на одгледувачите на овци е дека се исплатени субвенциите за грло овца за 2025 година во висина од над една милијарда денари. Со ова, практично ја затвораме исплатата кон оваа сточарска гранка. Со ова сметаме дека ќе има поголем стимул на поголем број задржани женски јагниња, односно зголемување на бројот на овците во Македонија. Минатиот месец имаме објава за сточарите да аплицираат за плата на овчарите за 2025 година и со тоа опфаќаме еден нормален тек на исплата и аплицирање за субвенции кои се за оваа сточарска гранка – изјави министерот за земјоделство Цветан Трипуновски на денешната средба со сточарите во Прилеп.

Според податоците од државниот завод за статистика лани се зголемило производството на кравјо и на овчко млеко, но стагнира производството на козјо млеко. Тоа е многу битно иако бројот на грлата добитеко нема поголем раст.

-Во 2025 година се произведени околу 290 000 литри кравјо млеко што е за 2,7 проценти повеќе од производството во 2024 година, а производството на овчко млеко со 27 000 литри лани е за 4 проценти поголемо од 2024 година. Во производството на козјото млеко има мал пад. Но, не секогаш бројот на грлата треба да ја следи продукцијата. Продукцијата може да се зголеми иако имаме стагнација на бројната состојба на грлата. За нас како држава, не е битно само да расте бројот на грлата, туку и продукцијата, а со овие податоци одиме во еден позитивен тренд – смета Трипуновски.

Ќе се јаде скапо јагнешко месо – сточарите го даваат евтино, трговците го продаваат прескапо

 

Во поглед на појаснување на програмата за 2026 година, Трипуновски уверува дека нема никој да биде исклучен од процесот на земање субвенции. Има посебна мерка за малите сточари која ќе продолжи и в година, се додека не го достигнат прагот на мерките за субвенционирање за окрупнување на добиточниот фонд во земјава и за зголемување на површините под земјоделски култури.

– Во тековната програма за оваа година има посебна мерка која ќе ги опфати сите мали земјоделци кои се под праговите кои ги имаме ставено во програмата. Ваква мерка ќе постои и во 2027 година, со цел овие две години заедно со сточарите да помогнеме да ги постигнеме тие минимални прагови. Според анализите на Министерството, незначителна е бројката, или, помала е бројката на сите овие земјоделци кои се под праговите, Зборувам за број на крупна и ситна стока, за полоделските култури, за лозовите и овошните насади. Значи има посебна мерка на која ќе аплицираат сите кои се под овие прагови за да искористат и да ги земат субвенциите. Нема да правиме длабок рез. Ние размислуваме визионерски за заедно со земјоделците да ги поткренеме овие прагови за да ги зголемиме бројната состојба на стока и бројот на обработливи површини – објасни министерот за земјоделство Цветан Трипуновски на денешната средба со македонските одгледувачи на овци во Прилеп.

Поврзани теми:

топ|субвенции|Трипуновски|велигден|овци|јагнешко|јагне

Повеќе на оваа тема:

Најнови вести од: Македонија

Ѓуров и Јотова бараат примена на „Францускиот предлог“, што е негирање на македонскиот јазик и Македонците, кои во 1890 бараа од Цариград негова употреба!

На 29 октомври во завршната дебата на Бугарската национална телевизија пред одржувањето на вториот круг на претседателските избори во Бугарија на 1 ноември 2026 година Андреј Ѓуров и Илијана Јотова, двата кандидата за претседател на Бугарија, го повторуваат барањето да се внесат Бугарите во уставот на Македонија. Едновремено тие бараат и „целосна примена“ на злогласниот „француски предлог“ и „Вториот протокол“, со кои во најдиректна смисла официјална Софија бара Македонија „да признае и да прифати“ дека „македонскиот народ и јазик имаат бугарски корени“. Јотова уште сево ова го нарекува „европска политика. И Ѓуров и Јотова се во жесток судир со реалноста и со историјата. На 30 октомври 1890 година Македонците од Охрид испраќаат официјална молба до Високата порта во Цариград. Во оваа молба, македонските првенци експлицитно бараат дозвола за основање македонски училишта во Охрид и околината, во кои наставата ќе се изведува на македонски јазик. Ова е еден од најважните документирани јавни прогласи од XIX век каде што јасно се дефинира засебноста и автентичноста на македонскиот јазик, независно од пропагандите на соседните држави.

(Фото+Видео): Нова авиолинија Скопје-Тиват, наскоро директно од Скопје до црногорското приморје

Станува збор за реализација на договореното при неговата претходна посета на Подгорица, нагласувајќи дека новото авиоповрзување ќе има значење за зголемување на размената меѓу двете држави.

Пријавете се на работилницата на „Реплек“ со Марко Пејчиновски: „РЕсет за внатрешна сила. РЕсет за добросостојба“

Овие иницијативи се надополнување на бројните активности што компанијата континуирано ги реализира за своите вработени во рамките на платформата РЕсет, со цел поттикнување здрави животни навики, личен развој и целокупна добросостојба.

Мицкоски: Очекувам победа на ВМРО ДПМНЕ во Брвеница! Да се гласа не за етнички поделби, туку за подобар живот во Македонија!

Денеска ќе имаме завршно обраќање пред жителите на Брвеница. ВМРО-ДПМНЕ во секоја кампања влегува со цел да победи, така и во оваа кампања во Брвеница, во вториот круг. Во првиот круг имавме најмногу гласови, речиси 3000, очекуваме тој број на гласови да го зголемиме. Очекувам победа на ВМРО-ДПМНЕ и Коалицијата – изјави денеска премиерот и лидер на владејачката македонска партија Христијан Мицкоски одговарајќи на новинарско прашање во однос на вториот круг за избор на градоначалник на општина Брвеница.

Тачи: Албанските партии треба да се договорат за документ за целосна политичка и територијална автономија на Албанците во Македонија!

Лидерот на ДПА, Мендух Тачи, меѓу другото, во емисијата „Дијалог“ на медиумската платформа на „Лајм“  зборуваше и за „потребата од постигнување договор меѓу албанските партии за одобрување на документот за целосна политичка и територијална автономија“.

Агатангел: ВМРО-ДПМНЕ ќе владее колку Тито, оваа Влада ја консолидира Македонија како држава и ги штити националните интереси!

Митрополитот Повардарски Агатангел изрази целосна поддршка за премиерот Христијан Мицкоски и актуелната Влада, оценувајќи дека државата е во сигурни раце, во интервју за телевизија „Алфа“, тој прогнозираше дека ВМРО-ДПМНЕ ќе остане на власт онолку долго колку што владеел Јосип Броз Тито.

Наумовски: Победата на опозицискиот претседателски кандидат во Бугарија води до предвремени парламентарни избори

-Според некои анализи, тие имаат изгубено можеби две третини од гласовите од парламентарните избори и, според мене, тоа е прв показател дека поддршката која ја имаше Радев на парламентарните избори веќе е значително намалена. Се покажува дека релативно комотната позиција која Радев ја имаше како претседател на државата е различна од состојбата која сега ја има да решава проблеми како премиер, рече Наумовски. По социјалните мрежи имаше една шега дека има низок одѕив на изборите во Бугарија затоа што сите бугарски возови заминале во Србија Ова во „Наткаст“ на „Курир“ го изјави Васко Наумовски, универзитетски професор и поранешен вицепремиер за евроинтеграции.

Мицкоски: Достигнат е БДП од 20 милијарди долари, целта е 22 милијарди! – Опозицијата би се радувала РМ да потоне во нивното политичко мочуриште!

Податоците на Државниот завод за статистика за конечните бројки за 2024 за растот на бруто домашниот производ и ревидираните бројки за 2025 се во нагорна линија од 3,8 отсто, со што Владата ја постгна поставената цел до крајот на мандатот номиналниот бруто домашен производ да биде 20 милијарди долари, сега цели кон 22 милијарди долари, информира денеска премиерот Христијан Мицкоски.
Сите вести од Македонија

Најнови вести

To top