Македонија

Државни службеници осомничени за проневера, дека ги испразниле стоковите резерви и направиле штета од 780 илјади евра

Станува збор за вработени во Агенција за стокови резерви, Агро берза, Министерство за земјоделство, шумарство и водостопанство.

1 минута за читање

Дури 1.500 тони меркантилна пченица и 500 тони јачмен биле отпишани од државните стокови резерви во 2021 и 2022, со што се причиниле штети на државниот буџет од 780.000 евра. За вакво дело Одделот за сузбивање на организиран и сериозен криминал (ОСОСК) во Биро за јавна безбедност при МВР сомничи петмина функционери или вработени во државната администрација во 2021 и 2022 година.

Денеска ОСОСК во координација со Основното јавно обвинителство (ОЈО) Скопје извршило претреси, барајќи докази против петтемината. Станува збор за вработени во Агенција за стокови резерви, Агро берза, Министерство за земјоделство, шумарство и водостопанство.

МВР ги сомничи следниве лица за злоупотреби сторени во периодот 2021-2022, кои тогаш ги извршувале наведените функции:
Ниметула Рамадани, за „Злоупотреба на службена положба и овластување“. Раководител во Агенција за стокови резерви – Скопје.
Реси Абдурахмани, за „Злоупотреба на службена положба и овластување“.Директор на Агенција за стокови резерви – Скопје.
Тони Кантурски, за „Злоупотреба на службена положба и овластување“. Раководител во Агенција за стокови резерви – Скопје.
Трајан Димковски, за „Злоупотреба на службена положба и овластување“. Заменик министер за земјоделство, шумарство и водостопанство.
Миле Пешевски, за „Злоупотреба на службена положба и овластување“. Вешто лице при биро за процена од областа на земјоделството.

Нетпрес

Поврзани теми:

актуелно|избор|полиција|обвинителство|апсења|„злоупотреба на службена положба“

Повеќе на оваа тема:

Најнови вести од: Македонија

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

Сите вести од Македонија

Најнови вести

To top