„Демократската унија за интеграција (ДУИ) сериозно го злоупотребува правото на употреба на мајчиниот јазик при полагање на правосуден испит, што не сметаше дека е соодветно да го регулира за време на своето долго владеење“, оценува Демократскиот сојуз на Македонија во денешното соопштение..
Оттаму велат дека имало коруптивни процеси за време на полагањето на испитот и политичко влијание, особено врз студентите блиски до владејачките партии.
Демократската лига потсетува дека македонскиот јазик е државен – службен јазик во Македонија. Секако, и албанскиот јазик е во службена употреба и етничките Албанци ги уживаат сите права според Уставот да го користат.
ДС потсетува дека студентите, мнозинството Албанци, ги завршиле студиите на својот мајчин албански јазик.
Сепак, во судството е од најголема важност обвинителите, судиите и адвокатите да го совладаат македонскиот јазик, кој е „лингва франка“, заеднички јазик на разбирање за сите етнички заедници во Македонија.
Дополнително, меѓународната пракса и препораките на Венецијанската комисија ја поддржуваат употребата на заеднички јазик во судството и тоа во никој случај не ги крши правата на другите етнички заедници“, велат од партијата на Павле Трајанов.
Демократскаиот сојуз ја охрабрува Владата да не подлегнува на политички притисок и да инсистира на наоѓање решение за полагање правосуден испит кое ќе биде уставно, нема да ги крши правата на етничките заедници, но и со иста тежина на испитот како и за другите студенти.