Викендов за време на концерт на популарниот рап пејач познат по прекарот Девито, во салата „Јане Сандански“ во Скопјe, се случи вознемирувачка ситуација – пристигнаа две закани за подметнати бомби, пишуваат српските медиуми.
Македонската полиција потврди дека пријавите биле веднаш проверени и дека станува збор за лажна тревога.
„На 22 ноември 2025 година, во 20:51 и 21:17 часот, на линијата 112 биле примени повици за наводно подметнати експлозивни направи во спортската сала „Јане Сандански“ и хотелската зграда до неа. Полицијата веднаш реагирала, извршени се сите проверки и е утврдено дека пријавите се лажни. Сè уште се преземаат мерки за расветлување на случајот“, соопшти полицијата.
Според информациите од медиумите, двата повици дошле од телефони кои биле исклучени веднаш по пријавувањето. Сепак, полицијата успеала да ги лоцира повиците.
Сепак, салата не беше евакуирана за време на концертот. Пејачот, познат по носењето маска за да го скрие својот идентитет, настапи до крај – до 23 часот. Бил направен и посебен безбедносен план за да се избегнат несакани последици.
Антитерористичкиот тим ја прегледал празната сала пред концертот, а организаторите имале и детектори за метал. И покрај заканите, проверката била брзо завршена благодарение на претходните подготовки.