Македонија

Семос Едукација домаќин на AWS Community GameDay Europe во Скопје

Семос Едукација беше домаќин на AWS (Amazon Web Services) Community GameDay Europe во Скопје

2 минути за читање

Семос Едукација беше домаќин на AWS Community GameDay Europe во Скопје, интернационален практичен настан кој ги обединува AWS ентузијастите, ИТ професионалците и технолошките тимови од цела Европа. GameDay овозможува учесниците да ги тестираат своите cloud вештини во реални, симулирани сценарија базирани на Amazon Web Services – водечката светска cloud платформа. Настанот, кој се одржува синхронизирано во повеќе држави, привлече 1800 учесници во 480 тимови, кои решаваа комплексни предизвици поврзани со архитектура, оптимизација, автоматизација, управување со системи и тимска соработка. Од Македонија учествуваа четири тима, а најуспешниот се пласираше меѓу првите педесет, успех кој говори за растечкиот квалитет на локалната ИТ заедница.

„Во период кога cloud технологиите се темел на современото работење и дигитална трансформација, ваквите настани носат извонредна вредност. Тие создаваат реални услови за учење, експериментирање и професионален раст,“ истакнуваат од Семос Едукација.

Како единствен AWS регионален тренинг партнер, Семос Едукација долгорочно вложува во развој на практични и применливи cloud вештини кои ги следат потребите на пазарот. Семос Едукација претходно го доби признанието Central and Eastern Europe AWS Skill Builder Award, како резултат на силната соработка со компании кои ја користат платформата за усовршување на своите тимови, како и поради континуираниот придонес во развојот на AWS еко-системот во регионот. Оваа награда ја потврдува стратешката посветеност на институцијата кон квалитетна cloud едукација.

Поради сè поголемата потреба за флексибилен начин на учење, Семос Едукација ја прави достапна глобалната платформа за учење AWS Skills Builder за сите заинтересирани почетници, инженери, компании и AWS професионалци.

Платформата нуди повеќе од 600 дигитални AWS обуки и практични лаборатории, патеки за сертификација и професионално напредување, содржини за почетници и напредни корисници, учење во свое време, сопствен ритам и сопствен стил. Со цел да се поттикне развојот на cloud експертизата во регионот, Семос Едукација ја нуди платформата по субвенционирана, повластена цена.

Поврзани теми:

AWS регионален тренинг партнер|GameDay|Македонија|Семос едукација

Повеќе на оваа тема:

Најнови вести од: Македонија

(Фото): Ацо Ристов и официјално стапи на чело на Регулаторната комисија за енергетика

Новоизбраниот претседател на Регулаторната комисија за енергетика, водни услуги и услуги за управување со комунален отпад на Македонија, Ацо Ристов, стапи на функцијата од Лирим Сулејмани, заменик-претседател на Комисијата.

За двајцата грабнувачи од Корешница по 30 дена притвор, го измачувале момчето од Неготино со ќеса на глава под закана за убиство да признае дека силувал сопруга на еден од нив!

Судот во Кавадарци определи по 30 дена притвор за двајцата грабнувачи од демиркаписко Корешница, потврдија попладнево од кавадаречкиот суд за МИА. Пред да му го фрлат мобилниот телефон, грабнатиот успеал да прати порака за помош во полиција, а и соседите го виделе како влегува во возилото.

(Видео): Царинската управа поставува нови стандарди, над 12 милијарди денари приходи во еден месец

Рекордна наплата од 12 милијарди денари или 195 милиони евра регистрира Царината за само еден месец. Овие приходи биле собрани лани во јули и се највисоки од работењето на Управата. Денес одбележуваме 34 години од постоењето на Царинската управа- институција која има клучна улога во функционирањето на државата, во заштитата на економијата и во обезбедувањето стабилни приходи за буџетот, вели премиерот Мицкоски.

Во Ѓорче Петров ќе се отвори американско катче за едукација и развој

Станува збор за едукативен и информативен центар, дел од глобалната мрежа на „American Spaces“, каде граѓаните, особено младите, имаат пристап до книги, дигитални ресурси, курсеви, обуки и настани поврзани со образование, технологии и личен развој.

МАН: Мора кривично да одговара Филипче, кој ги брани интересите на Бугарија и врши притисок врз новинари и ВМРО-ДПМНЕ да бидат во функција на бугарското вето!

Поради континуирани сериозни закани, навреди, клевети, политички притисок, загрозување на слободата на говорот и создавање непријателска атмосфера, заклучно и потенцирано со денешниот прес на Венко Филипче, претседател на СДСМ, кон сите професионални медиуми што не се под контрола на СДСМ, особено кон телевизијата „Алфа“, Македонската асоцијација на новинарите (МАН) го повикува Јавното обвинителство веднаш и неодложно да преземе мерки против Венко Филипче, претседател на СДСМ, за закани и напади кон службено лице, односно спречување службено лице во вршење службено дејство согласно со Кривичниот законик – пишува во денешното соопштение на МАН.

Мицкоски: Немам очекувања дека ќе се врати Груевски во Македонија, но ако го стори тоа ќе биде упатен на отслужување затворска казна

Ако се појави Никола Груевски во Македонија, тој има правосилна пресуда и веднаш откако ќе се појави органите на редот ќе го обезбедат и ќе го упатат на отслужување на затворска казна којашто е согласно со правосилна одлука, посочи премиерот Христијан Мицкоски.

Василевска: Билатералните прашања не може да бидат дел од критериумите за членство во ЕУ, ниту основа за вето! – Без оглед на реформите патот кон ЕУ ни е блокиран!

Пратеничката Иванка Василевска, претседателка на Секцијата на Собранието во Парламентарното собрание на Франкофонијата, учествуваше во работата на конференцијата на претседатели на секциите на националните парламенти на Регионот Европа на ПС на франкофонијата, што се одржа вчера во Варшава.
Сите вести од Македонија

Најнови вести

To top