Раководство раскарано секој со секого, поделено членство, партиски фракции кои бараат промени, рејтинг рамен на статистичка грешка, никаква идеологија, одработување за интереси на друга држава, заробена партија. Ова се причините зошто СДСМ и Венко Филипче бегаат од избори како ѓавол од темјан.
Поранешни и сегашни видни партиски функционери смета дека е сосем очекувано што Филипче се обидува да избегне изборно соочување. Луѓето во СДСМ не гледаат политички субјект на кој би му дале поддршка, од причина што нема буквално никаква понуда.
-Кога се обраќате до граѓаните и кога сакате да ги придобиете, граѓаните сакаат да чујат дека вие сте спремни за политиките за кои што се залагате, да излезете на мегдан за да добиете поддршка. И сега кажувате дека нешто не чини, значи треба да понудите алтернатива, треба да понудите програма. Ние реално до програмата до сега нешто не видовме, имаше и програмски конгрес и луѓе и структура која треба наводно таа програма да ја спроведе, но освен секојдневни излегувања, обвинувања, критики, не слушнавме нешто како понуда, вели за Алфа Саша Богдановиќ, претседател на Српска демократска лига.
Филипче цело време повикува на некакво опозициско обединување, а наместо тоа со отровни стрели оди против оние кои и најмалку ќе ја искритикуваат неговата работа. Поради тоа во СДСМ доаѓа до уште поголеми поделби, се појавуваат внатрешни фракции, но и се формираат нови партии од луѓе кои биле дел од највисоките раководни тела на Бихаќка.
-Таа партија важеше како партија отворена за сите, сега гледаме дека на пример веќе посочува, односно елиминира луѓе кои што биле дел или би можеле во иднина да бидат дел, дел од структурите. Бидејќи на крајот вие мора да имате структура за да ја спроведете својата политика, членство, општински организации, месни итн. Ако вие си ја елиминирате сами структурата, а тоа го правите за да спроведете нечија туѓа идеологија, и гледаме дека тоа се случува од некои коалициони партии, дури и некои од идеолозите, изјави Богдановиќ.
Филипче изворот на проблемите внатре во партијата, го бара секаде освен во своите редови. Во обид да го оправда се поизвесниот и нов катастрофален пораз кои ќе им следи на избори, повторно реши вината за лошиот личен и партиски рејтинг да ја бара кај сите, освен кај самиот себе и своите најблиски соработници. Повторно меѓу главните виновници ги најде и медиумите кои не ги контролира.
Околу можни предвремени избори, првиот човек на социјалдемократите, на неколку прес конференции реши да повторува дека немал да биде алиби на васта за евентуално изборно соочување. Си имале две третини, па сами нека си распишеле, не им требала СДСМ.