Македонија

Филипче: Во време на СДСМ имавме кризи, но ги надминавме

Исповед на лидерот за тешките седум години власт на СДСМ

1 минута за читање

 

Лидерот на Социјалдемократскиот сојуз на Македонија, Венко Филипче, вели дека за разлика од ВМРО-ДПМНЕ, која во услови и кога нема криза не презема никакви мерки за заштита на животниот стандард на граѓаните, СДСМ за седум години покажа што значи вистинска грижа за секој граѓанин и за приватниот сектор.

„СДСМ имаше седум години власт во кои речиси секоја година имаше криза. Имаше Ковид криза, имаше енергетска криза, економска криза. И во сите кризи покажавме со конкретни акции, со конкретни чекори како се заштитени граѓаните. Платите се зголемија дури и во вакви кризи“, рече Филипче.

Тој потсети дека СДСМ ги заштити граѓаните со девет антикризни пакети, им помогна на компаниите да бидат ликвидни.

„Имавме девет антикризни пакети во вредност од 2,6 милијарди евра. Зачувани се 80.000 работни места во 20.000 компании. Над 660.000 семејства беа заштитени со поддршка за плаќање на сметките за струја. Тие семејства не го почувствуваа ценовниот шок“, рече Филипче.

Филипче додаде дека со власта на СДСМ, за прв пат, минималната плата е зголемена три пати, а паралелно се зголеми и просечната плата.

Поврзани теми:

актуелно|Филипче|СДСМ|власт|кризи|7 години

Повеќе на оваа тема:

Најнови вести од: Македонија

Трипуновски до СДСМ околу барањето за отповик: Изнесувате политички празни измислици без аргументи, а оставивте пустош во земјоделството

Македонскиот аграр конечно се движи во вистинска насока. Крајно несериозно и парадоксално е да поднесувате интерпелација на министер кој ги поправа вашите катастрофални грешки и штети. Наместо да понудите решенија, конструктивна критика и визија, доставувате текст со празни фрази и евтин популизам, воден од теснопартиски интереси, потенцираа пратениците од ВМРО-ДПМНЕ. „Немојте да изнесувате само политички флоскули дека нешто е катастрофално. Дворот беше премногу валкан и презадолжен – таква ситуација наследивме од вашите седум години власт. Да имавте барем малку доблест да работите домаќински и економски, денеска ќе беше многу поинаква ситуацијата!“ – им порача министерот за земјоделство, шумарство и водостопанство Цветан Трипуновски на пратениците од опозицијата, кои бараат негов отповик.

Силјановска-Давкова од Софија: Проширувањето на ЕУ мора да се темели врз Копенхагенските критериуми

Проширувањето на Европската Унија мора да се заснова врз Копенхагенските критериуми, а темпото на пристапување да зависи исклучиво од напредокот во спроведувањето на реформите, порача претседателката на Република Македонија Гордана Силјановска-Давкова на Самитот на шефови на држави и влади во рамки на Процесот за соработка во Југоисточна Европа (ПСЈИЕ), што се одржува во Софија, пренесе Македонската информативна агенција-МИА.

Муцунски: Заложник сме на некоректна и непринципиелна блокада на нашиот европски пат! Оваа влада не подготвена да преговара за историја, идентитет и јазик!

„Ние сме заложник на една некоректна и непринципиелна блокада на нашиот европски пат. Никој нема интерес од ова што се случува во моментот. Губат двете држави економски, политички, губат и граѓаните, народите на двете држави, кога се создава ваков тип на недоверба“ – истакна денеска во Софија министерот за надворешни работи и надворешна трговија Тимчо Муцунски, кој претпладнево учествуваше на министерскиот состанок на Партнерството за соработка во Југоисточна Европа, а попладнево е дел од македонската делегација на Самитот на шефови на држави и влади која ја предводи претседателката Гордана Сиљановска – Давкова.

Новопоставено и веќе искршено: вандали го демолираа Градскиот парк во Виница

Градоначалникот на Општина Виница Митко Костадиновски информира дека општинските служби констатирале вандалски чин врз новопоставената градска опрема во Градскиот парк. Тој остро го осуди уништувањето на јавниот имот, нагласувајќи дека градската опрема во паркот е наменета за користење од страна на граѓаните и е купена со нивни пари.

Лефков: Специјалниот бугарски пратеник Филипче е подготвен да истурка уставни измени, сметајќи дека така ќе дојде на власт

„Специјалниот бугарски пратеник Филипче е подготвен да истурка уставни измени, сметајќи дека така ќе дојде на власт.“ – истакнува пратеникот од ВМРО ДПМНЕ во денешното обраќање кон јавноста.

Костадиновски: Нема „левица“ да ми ја креира криерата

Претседателот на Уставниот суд на Република Македонија, Дарко Костадиновски, реагираше на соопштението на политичката партија Левица, истакнувајќи дека нема да коментира политички ставови, но чувствува обврска да одговори на, како што наведе, личните дисквалификации и навреди упатени кон него.
Сите вести од Македонија

Најнови вести

To top