Цените на овошјето кај нас заминаа до небо во пресрет на летото. Килограм цреши се продаваат од 1.000 до 1.300 денари, во зависност од каде се увезени, оти нашиот род речиси и да го нема. Освен црешите, поскапеа и кајсиите и праските, реагистрираше Македонската Телевизија. Сега, едните се продаваат по 655 денари, а другите по 559 за килограм. Граѓаните се жалат на високите цени на и на овошјето и на зеленчукот.
Според земјоделците, годинава тешко дека ќе има домашни праски, кајсии, цреши, односно овошје кое најмногу се одгледува во Велешко-Кавадречко-Неготинскиот регион. Овоштарите реагираат дека мразот и снегот го уништиле родот од 80% до 100%, што ќе предизвика повисоки цени.
Досега, стигнеле 914 пријави за штета, најмногу од Росоман 570. Потоа има од Демир Капија, Неготино, Градско и Кавадарци. Овоштарите предупредуваат дека нема да има овошје ниту од увоз, мраз и снег имаше и во регионот. И она овошје што ќе стигне во маркетите ќе се продава и 1.300 денари, иако дел од овоштарите го продаваат по 200 денари на големо.
Само лани, во Македонија најмногу овошје влегло од Албанија, 172.607 килограми, во вредност од дури 141.365 евра. Потоа сме увезле и од Бразил, Аргентина и Чиле, па дури кајсии, цреши, вишни, праски сме набавувале и од Брегот на слоновата коска, покажуваат податоците од државната статистика.
Дека тоа е така потврдија и од министерството за земјоделство. Кајсии најмногу влегле од Албанија, Шпаија, Грција, Молдавија, Србија, Турција и Јужна Африка. Од министерството за економија, најавија дека ако има поскапување над 15%, ќе има поригорозни мерки.