Чад, лоша миризба, отровни честици. Повторно гори депонијата „Вардариште“. Со децении властите на Скопје не можат да го решат проблемот кој е закана за здравјето на граѓаните. Лекарите алардмираат дека токсичниот воздух е сериозен ризик по здравјето на сите.
Еко-активистите по кој знае кој пат алармираат дека проблемот мора итно да се реши. Дивата депнија не им дава мир на жителите на Аеродром и Гази Баба. Велат дека посебно ноќе, состојбата е неподнослива.
Депонијата е огромна. Веднаш до неа има објекти на фирми, куќи, а насобраното ѓубре се обвива околу нив, како река која прави пат на лошиот терен.
Состојбата е излезена од контрола – екоцидот тропа на голема врата, реагираат граѓаните. Еколошките организации велат дека властите сосема ги заборавиле граѓаните чие здравје се нарушува од најцрната точка на Скопје – Вардариште.
За депонијата има изработено физибилите стидија пред 10 години која предвидува ремедијација на земјиштетото – изработка на два дупа како и изградба на градски парк. Но, студијата веќе е мртво слово на хартија.
Претходно, полицијата поднесе кривична пријава против тројца за загрозување на животната средина, а Обвинителството отвори истрага.