Сѐ уште се шири и пожарот кај Блаце кој избувна пред неколку дена, а Министерството за внатрешни работи целосно го регулира сообраќајот во делот од Стенковец кон граничен премин Блаце и го затвори граничниот премин.
Директорот на Дирекцијата за заштита и спасување (ДЗС), Стојаче Ангелов, испрати видеопорака во која вели дека нема опасност за куќите, но забележал суви дрва кои биле фрлени среде пламените јазици, сакајќи да се направи поголема штета. Ангелов упати апел секој кој ќе се забележи дека е сомнителен, или дека превезува дрвва или слични запалливи супстанци, веднаш да го пријави во полиција на 112.
Во меѓу време, големи облаци чад се шират од неколку места во подножјето на Скопска Црна Гора. Забележливи се и од градските улици во Скопје, но сосема јасно се гледа каде чади од скопската обиколница, посебно од делот кај Волково.
Освен пожарот кој избувна над магистралниот пат кон Блаце во близина на Скопје, чад се крева од повисоки делови. Директорот на ДЗС, Стојаче Ангелов, и претходно од Чучер-Сандево испрати видеопорака во која вели дека нема опасност за куќите. Но апелира на внимателност.