Пораншниот шеф на државата, Стево Пендаровски, „мешетари внатре во СДСМ“, изјави професорот Љубомир Фрчкоски во гостувањето во емисијата „Во Центар“ на Васко Ефтов, под наслов „Кои лоби групи сакаат да го сменат Венко Филипче“.
Фрчкоски рече дека нема да зборува за имиња, но сепак директно го спомна Пендаровски за кој рече: „Ме чуди тоа што мешетари Стево Пендаровски. Нема потреба од тоа. А, мешетари без везе…“, пренесе Плусинфо.
Порталот забележува дека во кулоарите веќе подолго време се шпекулира дека Стево Пендаровски води некаква иницијатива за реформи во СДСМ и во опозицискиот блок, но до овој момент за тоа никој не проговорил јавно.
Фрчкоски, кој има силни персонални позиции во екипата на Венко Филипче, забележува Плусинфо, очигледно не случајно ја избрал емисијата „Во центар“ прв јавно да го спомне и да го опомене Пендаровски, порачувајќи му дека неговото, како што вели, „мешетарење“, било „без везе“.
Зборувајќи за тоа кои лоби групи сакаат да го сменат Филипче, без да спомнува имиња, Фрчкоски спомна и „еден пратеник и еден поранешен градоначалник кој се занесува, не знам дали вмровциво го фатиле со кривични пријави, па сега го држат…“
Водителот Ефтов прецизираше дека станува збор за Оливер Спасовски и за Петре Шилегов, а Фрчкоски не го негираше тоа, но не пропушти да нагласи дека Венко Филипче заслужува поддршка.
Повеќе на ЛИНКОТ