Македонија Бизнис

Газдата на „Пуцко Петрол“ осомничен за перење пари, за колку милиони станува збор?!

За Асмир Јахоски, како осомничен за перење пари, беше определена мерка притвор во истражниот затвор Скопје. Подоцна, со гаранција од над 2 милиони евра, Јахоски излезе од притвор, а наместо тоа, како мерка на претпазливост, му беше одземен пасошот.

Милионски суми народни пари легнале на контото на „Пуцко Петрол“, чиј сопственик Асмир Јахоски е меѓу осомничените во случајот за злоупотреби при набавки на мазут за ТЕЦ Неготино, кој бил со лош квалитет за здравјето на луѓето, објави Фактор. Од јануари до јули годинава, Пуцко Петрол има склучено 117 договори за јавна набавка, со вредност од над 33 милиони евра. Тендери има добивано од министерства, општини, државни комисии, агенции, училишта но и судови, како вишиот управен суд и неколку основни судови низ Македонија. Најголемиот договор е оној склучен со ЈСП Скопје, во вредност од над 26 милиони евра.

За Асмир Јахоски, како осомничен за перење пари, беше определена мерка притвор во истражниот затвор Скопје. Подоцна, со гаранција од над 2 милиони евра, Јахоски излезе од притвор, а наместо тоа, како мерка на претпазливост, му беше одземен пасошот.

Во истрагата за набавките на мазут за ТЕЦ Неготино во вредност од 160 милиони евра, освен Јахоски, опфатени се и екс директорот на ЕСМ Васко Ковачевски кој е во бегство, како и сопствениците на РКМ, Ратко Капушевски и Ерџан Сулкоски, поранешниот менаџер за продажба во ЕСМ Адриан Муча  и уште 6 лица кои учествувале во реализацијата на набавките мазут вредни над 160 милиони евра.

Сопственикот на Пуцко Петрол доби и нов, привремен пасош со важност од 6 месеци – на тоа се сложило обвинителство, судот прифатил, а МВР веднаш го издало.

Најнови вести од: Македонија Бизнис

Маск: Европа ќе изумре целосно, ако стапката на раѓање бебиња не го достигне нивото потребно за репродукција на населението

Најбогатиот човек во светот уште во декември 2024 година ѝ претскажа на Европа дека „се наоѓа во голем проблем“, оти е пред „целосно исчезнување“…

Време е за прочистување на безбедносните служби, порача Ковачки

Пратеникот од ВМРО-ДПМНЕ, Драган Ковачки, член на собраниската комисија за надзор на Агенцијата за национална безбедност (АНБ) и Агенцијата за разузнавање (АР), остро реагираше на откритијата за сериозни злоупотреби во АНБ за време на претходното раководство.

To top