Македонија

Ѓорѓиевски ја повика Финансиската полиција во Град Скопје: Истрага за злоупотреби во ЈПП

Градоначалникот на Скопје, Орце Ѓорѓиевски, оствари работен состанок со претставници на Финансиската полиција за да се испитаат можните злоупотреби во работењето на повеќе градски јавни претпријатија

2 минути за читање
facebook.com/1OrceGj

Градоначалникот на Скопје, Орце Ѓорѓиевски, оствари работен состанок со претставници на Финансиската полиција за да се испитаат можните злоупотреби во работењето на повеќе градски јавни претпријатија. Во интервју за МТВ1, тој изјави дека во интерес на истрагата не може да открива детали, но нагласи дека цврсто стои зад сите информации што досега ги објавил во јавноста.

Претходно, државниот јавен обвинител Љупчо Коцевски го повика градоначалникот да ги пријави сите случаи на злоупотреби во Јавното обвинителство и да достави докази, доколку располага со нив.

Ѓорѓиевски потсети дека од списоците на вработени во јавните претпријатија биле избришани околу 500 лица кои земале плата без да доаѓаат на работа – тешко прекршување на Законот за работни односи и на работната дисциплина. – Станува збор за луѓе кои не биле ангажирани на реални работни задачи, туку им било дозволено да ја злоупотребуваат институцијата. Градот губел по околу пет милиони евра годишно, што за четири години изнесува околу дваесет милиони евра – колку што чини новиот Луна парк што го чекаат генерации скопјани – рече Ѓорѓиевски.

Тој најави дека во разговорите со надлежните институции побарал да се утврди не само индивидуална, туку и командна одговорност – односно, покрај лицата кои земале плата без да работат, да одговараат и оние кои ги потпишувале исплатите, како и директорите што го одобрувале ваквото постапување.

Поврзани теми:

актуелно|Орце Ѓорѓиевски|Град Скопје|градоначалник на Скопје|Финансиска полиција

Повеќе на оваа тема:

Најнови вести од: Македонија

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

Сите вести од Македонија

Најнови вести

To top