„Почитувани скопјани, драги родители, најдраги дечиња. Нашиот град е најубав тогаш кога свети од радост, насмевки и празнична магија. А сите ние, и младите, и возрасните, ја заслужуваме таа топлина што ја носат Новогодишните и Божиќните празници.
Со огромна радост ве поканувам заедно да го означиме почетокот на едно ново празнично поглавје исполнето со забава, музика, многу подароци и вашите омилени херои кои ќе ги израдуваат најмалите – вели Ѓорѓиевски.
Тој најави декао д 16 декември па сѐ до Новата година, секој ден ќе има настани, активности и забави за сите генерации.
„А дочекот, ви ветуваме, ќе биде спектакуларен и незаборавен“ – порача градоначалникот.
Од прес-службата на Град Скопје додаваат дека годинава празничниот дух повторно се враќа на плоштадот „Македонија“. Претстојниот настан ќе донесе посебна атмосфера, богата програма и многу изненадувања, со што официјално ќе се означи почетокот на најубавиот дел од годината во главниот град.