Градоначалникот на Скопје објави најнови информации за напредокот на работите на инфраструктурниот проект кој со години предизвикуваше сообраќаен метеж.
На социјалните мрежи тој сподели фотографии од поставувањето на мостот на Момин Поток.
Проектот предвидува изградба на два кружни тека кои треба трајно да го решат „тесното грло” низ кое поминуваат околу 25.000 возила дневно, поврзувајќи четири општини.
Покрај кружните текови, предвидени се и два моста на реката Серава, потпорни ѕидови, атмосферска и фекална канализација, велосипедски и пешачки патеки.
Уште на почетокот на јануари, градоначалникот Орце Ѓорѓиевски информираше дека изградбата на мостот се одвива со забрзано темпо, со цел што побрзо да се надмине долгогодишниот проблем со застојот во сообраќајот.
Ѓорѓиевски на Фејсбук им посака добро утро на скопјани од Момин Поток.