Верниците ќе можат и во иднина да палат свеќи, да организираат венчавки и крштевки во црквата Свети Спас во селото Мршевци која вчера за малку ќе изгореле од темел.
Денеска се гледа дека штетата не е ненадоместлива и со одредени зафати црквата наскоро ќе може да биде целосно функционална.
Пожарот кој вчера избувна во близина на селото Бујковци, се прошири кон индустриската зона „Бунарџик“ зафати дел од покривот на црквата во близина на селото Мршевци.
Интервенцијата на терен во која беше вклучено локално население ја водеа скопските пожарникари, со помош од касарната „Ѓорче Петров“, единици од Кавадaрци, како и специјализираните тимови на Дирекцијата за заштита и спасување – „БТР“ и „Хермелини“.
За среќа како што вели народот ,,Имаше спас за Свети Спас”.
