Вчера во Скопје, на 62 годишна возраст почина доајенот на македонското новинарство, уредничката во Македонското Радио Валентина Базерко.
Новинарската кариера ја започна во весникот „Млад борец”, а потоа самопрегорно над 3 децении работеше во Македонското радио каде имаше повеќе новинарски и уреднички позиции.
Базерко важи за голем борец за соодветна употреба на македонскиот јазик и современиот радио израз.
Колегите од сите медиуми се простуваат од Валентина Базерко.