ИНА наведува: „Ако мислевте дека застанавме, се погрешивте! Го игнориравте првиот, вториот доаѓа!’ – со оваа моќна порака, албанските студенти на правните факултети во С.Македонија почнаа да се мобилизираат за одржување втор протест во Скопјe, враќајќи го во центарот на вниманието барањето да се одржи испитот по правосудство и на албански јазик. По првиот протест студентите велат дека ‘институциите и албанските политички претставници ветиле брзо решение на проблемот, но досега не е преземен никаков конкретен чекор’.“
„Реагираше и Народниот правобранител, испраќајќи официјално писмо до Владата, а беше најавено и формирање работна група за надминување на проблемот. Сепак, според студентите, сè остана само на декларативно ниво. ‘Имаше многу ветувања, но нема резултат. Никаква одлука, никаква конкретна промена и нема јасен рок.’ – велат организаторите на протестот. Првите сигнали за организирање на вториот протест веќе започнаа. Во неделата попладнето студентите по право од албанските универзитети во земјата, кои минатиот пат протестираа во Скопско, почнаа да се мобилизираат од Куманово, најавувајќи проширување на активностите и поголема координација во наредните денови.“
„Протестни пораки и натписи се појавија во неколку градови во земјата, додека студентите инсистираат дека нивното барање не е политичко, туку основно право –можност за полагање на стручен испит на мајчин јазик. Она што првично се третираше како административен проблем, сега се претвора во поширок студентски бунт. Во центарот на критиките се институциите кои, според студентите, продолжуваат да го одолговлекуваат решението за проблем што директно ги засега илјадниците албански студенти и дипломирани студенти, иако тоа е фундаментално право загарантирано со закон.“ – објави ИНА.