Исчезнатиот Владимир пронајден жив и здрав

Дали би било можно дел од главните амфитеатри во Филолошкиот факултет „Блаже Конески“, или во Институтот за македонски јазик „Крсте Мисирков“ да бидат именувани „Влоѓимјеж Пјанка“ и „Хорас Лант“, според овие големи светски македонисти и пријатели на Македонија? Дали би било изводливо за Град Скопје и Општина Центар да постават во централното градско јадро спомен-обележје за нив, но и да се именува по една улица со нивното име?

Денешното навршување на 15-та годишнина од смртта на Хорас Лант е соодветна пригода за осврнување кон неговото македонистичко дело, кое е од исклучително значење за македонскиот народ. Уште пред седум децении Лант целосно ги поби сите негаторски тези дека македонскиот јазик некој по своја „милост“ го измислил во 1944/1945 година, како што „трубат“ Бугарите денес низ Европа.