Македонија

Јанков: Во Струмичко дождот продолжува да врне! Ќе ја следиме и ноќва будно ситуацијата на терен со механизација!

„Поради нови врнежи, екипите ќе дежураат и во текот на ноќта.“ – објави градоначалникот на Струмица Петар Јанков преку фејсбук, по денешните поплави во Струмичко, кои предизвикаа угинувања на многу животни и големи штети во агрокомплексот.

1 минута за читање

Јанков истакнува во објавата на општествената мрежа: Дејството на циклонот кој го зафати нашиот југоисточен регион придонесе за големи врнежи од дожд, надоаѓање на водата, излевање од коритата и поплави!

Денеска го посетив критичното место во Муртино. Посетив и други посочени места каде ситуацијата е најкритична. Уште од утрово механизацијата на ЈП Комуналец е на терен. Ангажирана е дополнителна механизација од приватниот сектор. Околу 17 часот состојбата се стабилизираше.

Нашата механизација и екипите остануваат на теренот и во текот на ноќта, на сите места каде што се проценува дека е критично. Во контакт сме постојано со граѓаните на терен.


Дождот паѓа и во наредните часови и денови, а ние будно ќе ја следиме состојбата. – порача градоначалникот на Струмица Петар Јанков преку фејсбук.

Поврзани теми:

Поплави во Струмичко|градоначалник Петар Јанков|ситуацијата се следи

Најнови вести од: Македонија

Рамиз Мерко и претходната власт СДС-ДУИ во Струга оставиле долг од 55 илјади евра за превоз на учениците

Долгот кон превозниците е направен од времето на претходниот градоначалник Рамиз Мерко и претходната власт на ДУИ и СДСМ. Сегашниот градоначалник Менди Ќура мора да го плати, ако сака превозниците да ги возат учениците оваа учебна година

Мицкоски: Уставот нуди апсолутно сериозна заштита за сите граѓани, па и за бугарската заедница, но што правиме со македонската заедница во Бугарија?!

Политиката се темели на разговори. Јас сум од оние политичари кои сакаат да разговараат додека не се постигне решение. И во првиот и во вториот случај ние ќе продолжиме да разговараме. Знаеме кои се нашите црвени линии и во рамките на тие црвени линии ќе се обидеме да го најдеме решението, изјави премиерот Христијан Мицкоски одговарајќи на новинарски прашања пред почетокот на Амбасадорскиот совет. Истакна дека нашиот Устав нуди апсолутно сериозна заштита на правата за сите граѓани во државата, вклучително и за бугарската заедница.

Јаневска: Никој не може да го избрише македонскиот јазик од светската културна ризница, се грижиме за негова достојна афирмација!

Шеесет македонисти, слависти, балканолози, филолози, културолози и преведувачи од Албанија, Аргентина, Бугарија, Италија, Јапонија, Канада, Кина, Полска, Русија, САД, Словачка, Словенија, Србија, Турција, Унгарија, Франција и Хрватска учествуваат на 59. Летна школа на Меѓународниот семинар за македонски јазик, литература и култура (МСМЈЛК) при Универзитетот „Св. Кирил и Методиј“ во Скопје, што од денеска се одржува во Конгресниот центар во Охрид.

Во Македонија сите заедници, меѓу нив и бугарската, се заштитени со Уставот

Нашиот Устав нуди апсолутно сериозна заштита за сите граѓани во државата, вклучително и за бугарската заедница. И тоа не го зборувам само јас, туку тоа го зборува и Советот на Европа – рече премиерот Мицкоски

Мицкоски: Имаме трипати повеќе резултати од претходната влада, но подготвени сме за предвремени избори, ако мисли опозицијата дека се потребни!

Премиерот Христијан Мицкоски на денешната прес-конференција рече дека граѓаните во моментов не бараат предвремени парламентарни избори, туку очекуваат продолжување на реформите и на процесите што ги спроведува актуелната Влада.

Муцунски: Заштита на македонските национални интереси и на Македонците и другите граѓани вон границите, но и економската дипломатија – наши стратегиски приоритети

Пред одржувањето на Амбасадорскиот совет, на кој треба да се обрати и претседателот на Владата Христијан Мицкоски, министерот за надворешни работи Тимчо Муцунски во изјава за медиумите истакна дека целта во рамките на оваа средба со премиерот е нашите амбасадори и генерални конзули изворно да слушнат кои се приоритетите за следната година и да добијат насоки за постапување во врска со нашите клучни стратегиски национални интереси.
Сите вести од Македонија

Најнови вести

To top