Македонија

Јанкуловски: Пензионерите веќе го почувствуваа зголемувањето на пензиите, кои ќе растат и натаму

Заменик-министерот за финансии Николче Јанкуловски во емисијата Бизнис 21 на ТВ 21 изјави дека пензионерите веќе го почувствувале зголемувањето на пензиите со оваа влада, а најави и дека во наредниот период ќе следуваат дополнителни зголемувања, согласно со законските и фискалните можности.

Николче Јанкуловски смета дека нема ништо спорно во тоа што дел од парите за одредени обврски се обезбедуваат преку прераспределба или ребаланс на буџетот. Тој објасни дека самите фондови во текот на годината вршат внатрешни прераспределби за мерките, што ги презеле како обврска, по што повремено се јавува недостиг на пари, што Владата и Министерството за финансии треба дополнително да ги обезбедат.

„Тука не гледам ништо страшно во тоа што со прераспределба или ребаланс се дообезбедуваат пари, бидејќи однапред е јасно дека тие ќе се користат за исплата на пензиите.“ – посочи Јанкуловски.

Тој укажа дека исплатата на социјалната помош се одвива редовно и навремено за најголемиот дел од корисниците. Јанкуловски појасни дека доцнење има само кај мал број случаи, каде што биле утврдени одредени, како што ги оцени, мали неправилности. „Преку годините никој не им правел проверка, дел од нив и во странство се работно ангажирани, а од тука земаат плата.“ – рече Јанкуловски.

Според него, целта е парите да стигнат до сите, кои ги исполнуваат законските услови, без злоупотреби и со целосна транспарентност.

Најнови вести од: Македонија

Мелбурн ѝ се извини на македонската заедница за забраната на сонцето од Кутлеш

Градските власти на Мелбурн ја признаа грешката по независна анализа на одлуката со која македонските учесници беа спречени да го носат знамето на фестивалот Мумба. Во март годинава градот Мелбурн им наложил на македонските учесници на овој фестивал да го користат само државното знаме на Македонија.

Студентите се враќаат во „Кузман Јосифовски – Питу“, домот се отвора за еден месец

Владата и студентските претставници разговараат за промена на досегашниот начин на субвенционирање. Предложениот модел предвидува зголемување на месечната поддршка од досегашните 3.500 на 4.500 денари, воведување посебна дигитална услуга преку платформата „М-услуги“, како и дополнителни попусти при купување храна во вклучените угостителски и трговски објекти.

Македонија планира инвестиции од пет до шест милијарди евра во патишта и во железници

На форумот се разговараше и за примената на вештачката интелигенција и современите технологии. Николоски посочи дека со измените на Законот за јавните набавки се предвидува воведување дигитални алатки и решенија базирани на вештачка интелигенција за автоматизирано следење на постапките и откривање неправилности и ризици.

Силјановска-Давкова: Ние сме рекордери во промената на Уставот, за три децении 36 пати!

Уставот е закон над законите и најважниот општествен договор – истакна денеска претседателката Гордана Силјановска-Давкова на отворањето на научната конференција по повод 35-годишнината од осамостојувањето и донесувањето на првиот Устав на Република Македонија. Конференцијата е во организација на Собранието, ЈНУ Институт за национална историја и Државниот архив.

To top