Пензиите за септември, кои треба да бидат исплаќани во октомври, ќе бидат повисоки за три проценти, според законското решение, потврдиле од Фондот за пензиско и инвалидско осигурување за телевизијата Телма.
Во Фондот веќе се вршат пресметките за новите износи со цел исплатата да се подготви навреме.
Зголемувањето на пензиите се пресметува по формулата „збир од 50 отсто од растот на трошоците за живот и 50 отсто од растот на исплатената просечна нето-плата во првото полугодие од годината во однос на претходните шест месеци“.
Во последните две години секој пензионер линеарно доби зголемена пензија за вкупно 7.000 денари, но Уставниот суд во март годинава го сопре таквиот начин на исплата.
Следното усогласување на пензиите, според законот, ќе биде во март следната година.