Македонија

Кабинетот на Сиљановска објави јавен повик за волонтери во Народната канцеларија

Рокот за пријавување почнува од денеска и ќе трае 5 дена

1 минута за читање

Кабинетот на претседателката на Гордана Сиљановска-Давкова, објави јавен повик за пријавување на кандидати за волонтирање во Народната канцеларија на Претседателката.

Повикот е согласно член 4 од Програмата за волонтирање за 2026 година и предвидува ангажирање на 10 волонтери за извршување на активности утврдени во член 3 од Законот за волонтерство.

Заинтересираните кандидати треба да достават кратка биографија и мотивационо писмо до архивата на Кабинетот на Претседателот или по пошта на адреса: Кабинет на Претседателот на Република Македонија, ул. „Ацо Караманов“ бр. 33А, 1000 Скопје, со назнака „за јавен повик за волонтери“.

Рокот за пријавување е пет работни дена од објавувањето на повикот на веб-страницата на Претседателот, односно најдоцна до 17.06.2026 година во 15:00 часот.

Селекцијата ќе ја врши Комисија за избор на волонтери во Кабинетот, а избраните кандидати ќе бидат контактирани. Ненавремените и некомплетните пријави нема да бидат разгледувани.

Волонтерскиот ангажман се заснова на договор со траење до шест месеци, при што по завршувањето на периодот Кабинетот нема обврска за вработување на волонтерите.

Волонтерите имаат право на надоместок за трошоци за храна и превоз до и од местото на волонтирање, во висина до 15% од просечната месечна плата исплатена во државата за претходната година.

Поврзани теми:

избор|Гордана Сиљановска-Давкова|народна канцеларија

Повеќе на оваа тема:

Најнови вести од: Македонија

(Фото): Во Македонија една третина од смртните случаи се од кардиоваскуларни заболувања

Од кардиоваскуларни заболувања минатата година во земјава починале 6.888 лица, а овие заболувања учествуваат со 34 отсто во вкупниот морталитет. Со стапка на смртност од 378,4 на 1.000 жители, кардиоваскуларните заболувања се на прво место меѓу причините за смртност.

Поплавена зградата на „Нова Македонија“

Пет до шест дена ќе бидат потребни за нормално функционирање на зградата на „Нова Македонија“, откако е утврдено дека поплавата ја предизвикала пукната топловодна цевка на вториот кат, изјави директорот на Службата за општи и заеднички работи на Владата, Ивица Томовски.

Стојков: Грција и Бугарија ќе го користат примопредавањето на моштите на македонскиот цар Самуил за пропаганда против Македонија!

„Свечената“ објава на бугарскиот премиер Румен Радев дека в сабота, на 3 октомври, Грција ќе ѝ ги предаде посмртните останки од цар Самуил (починат 1014 година), одекна не како историско-научна сензација, туку токму така како што беше и конструирана – со политичко тенденциозност спрема Македонија. Ова се нагласува во статијата со наслов „Стојков: Не е сигурно дека моштите се на цар Самуил, а Бугарија и Грција немаат ни правна основа за нивно примопредавање“, која ја објави информативниот портал „МКД.мк“

(ВИДЕО) Разбиена е криминалната и терористичка група од Скопје, кај која е пронајдено знаме на „Исламска држава“! – Кривична пријава за тројца (Видео)

МВР информира дека вчера Одделот за сузбивање на организиран и сериозен криминал во соработка со Агенцијата за национална безбедност, Одделот за специјални полициски операции и СВР Скопје, под раководство на надлежен јавен обвинител од Основното јавно обвинителство за гонење на организиран криминал и корупција, спроведе координирана полициска акција, во која е сузбиена организирана криминална група од Скопје, инволвирана во вршење на кривични дела од областа на тероризам и недозволена трговија со оружје.
Сите вести од Македонија

Најнови вести

To top