Како никогаш до сега, цените во Охрид уриваат рекорди. И на пазарите и во чаршијата. Кафето покрај езеро чини од 3 евра па нагоре, односно од 200 денари, па до 250 за нес кафе покрај езеро, зависи од локалот, но и од погледот. Потоа, топче сладолед од 80 до 120 ден, просечната цена на пицата е околу 8 евра а охридската цреша се продава по 300 ден за килограм. И коктелите имаат жешка цена, најефтиниот е 400 ден.
Овие цени се прифатливи само за туристите велат охриѓани. Цените во Охрид можат да ги одвратат гостите смета и заменик-министерот за економија и труд, Марјан Ристески.
Поради високите цени на хотелските алл инкулузив понуди досега соработка со Охрид откажаа два тур оператори од Холандија и Полска. Дел од гостите од земјава и оваа сезона на социјалните мрежи постојано реагираат објавувајки ги високите сметки, кои ги добиле во некои од угостителските објекти во Охрид, каде цените и на храната и на пијалоците се како во некои егзотични или монденски дестинации.