Одделението за општествени науки при Македонската академија на науките и уметностите ја ,,поминал” односно изгласал колешка на академик Владо Камбовски која има 10 пати помалку научни цитати од вториот кандидат професорот Драги Митревскинкој на скандалозен начин бил елиминиран од можноста целата МАНУ да гласа за него.
Според правилата на МАНУ сите кандидати за академици треба да бидат изгласани од Одделенија при академијата пред да одат на пленарно гласање пред целата академија но иако преходно одделението за општествени науки со гласање потврдило дека има потреба од археолог во МАНУ на скандалозното гласање бил елиминиран светскиот научник и водечки европски археолог Драги Митревски.
За разлика од Митревски кој добил само 4 гласа втората кандидатка професорката од правниот факултет Гордана Лажетиќ Бужаровска поминала со потребните 5 гласа од 8 членови на комисијата.
Меѓу другите скандалозни факти во оваа афера за која expres.mk истражува и објавува, еден од најголемите е фактот што комисијата каде главниот збор го водат академиците Владо Камбовски и Таки Фити без јасни критериуми дала поддршка за колешката на Камбовски од правниот факултет Гордана Лажетиќ Бужаровска а бил елиминиран Драги Митревски.
Со тоа одделението за општествени науки при МАНУ ги урнала основните принципи на таканаречениот ,,мерит” или систем на заслуги, вредности и научни остварувања.
Според системот за евиденција на научни цитати Google scholar каде што се гледа кој научник каков статус има во светската наука Гордана Лажетиќ Бужаровска има само 28 цитати од кои 25 се од последниве 5 години.
Делот од Google scholar за професорот Драги Митревски има 268 или речиси 10 пати повеќе цитати од негови трудови од кандидатката која била изгласана да оди понатаму.
Ако се анализира квалитетот на изворите на цитатите на двајцата научници ќе се види дека за разлика од Лажетиќ Бужаровска која била цитирана од благо кажано ,,неврвни” научници и институции кај професорот Драги Митревски се работи за водечки светски, европски и регионални научни фактори.
И покрај тоа што според Google scholar колешката на Камбовски од правниот факултет Лажетиќ Бужаровска е научно неспоредлива со Митревски, таа без проблем дошла со 5те потребни гласа.
Научната вредност на Митревски која е неспорна во случајов, за четворица членови на комисијата кои expres.mk ги знае, немала никаква важност.
За овие четворица поважни биле некои други квалитети на колешката и соработничка на Камбовски од катедрата за кривично право на правниот факултет во Скопје каде заедно работеле подолго време.
Expres.mk преку МАНУ испрати барање за став и аргументи во врска со оваа афера со академиците Камбовски и Фити.
Засега тие молчат.
Првиот дел од овој скандал ТУКА
Вториот дел ТУКА
За резилот на МАНУ јавно реагира историчар на овој ЛИНК