Откако директорот на „Комунална хигиена“ поднесе оставка, останува отворено прашањето како јавното претпријатие ќе функционира без директор во наредните денови. Судот вчера на Рустеми и на раководител во јавното претпријатие им одреди 30-дневен притвор. Се гонат за загрозување на животната средина и природата со отпад.
Инаку, директорот на ЈП „Комунална хигиена“ Сабахадин Рустеми, кој е во притвор за несобирањето на ѓубрето во Скопје, си поднел оставка од функцијата. Неговиот адвокат Асмир Алиспахиќ синоќа по распитот во Кривичниот суд кажа дека Рустеми поднел оставка од морални причини.
Сега „Комунална хигиена“ нема директор и прашање е како ќе функционира претпријатието во наредните денови.