Нумерички систем за проценка на потенцијалот за шумски пожари врз основа на временските услови за ден 11 Јули 2025 покажува дека висока опасност во подрачјето на Вардарската Долина и во делови на Охридскиот регион, Пелагонија, Плачковица и Дојранско.
Дизајнер на овој модел кој дава проценка за опасност од пожари е Владо Спиридонов, водечки експерт метеоролог и редовен професор по метеорологија на Природно Математичкиот факултет.
Пред два дена професорот Спиридонов кој е и член на советот за безбедност на претседателката Гордана Сиљановска Давкова објави дека по неколку месеци исклучителна работа и тестирање бил развиен нумеричкиот систем што може да се користи за проценка на потенцијалот за шумски пожари врз основа на временските услови!
Со својата прва слика овој модел даде точна прогноза на екстремен индекс за 9 Јули, по долината на Вардар и Скопското рурално подрачје кое беше зафатено со пожари.
Моделот точно ја предвиде ситуацијата и за 10 Јули 2025, кога ситуацијата беше за нијанса посмирена, иако повторно се предвидуваше многу висок ризик во југоисточните делови од Македонија.
