Според полициските информации, вчера околу 18 часот во СВР-Штип е пријавено дека на Детското одделение на Клиничката болница во Штип, мајка го донела своето тригодишно дете во тешка здравствена состојба. По извршени испитувања е констатирано дека кај детето има присуство на „бензодиазепини“. Тоа ќе биде задржано, заради следење на здравствената состојба.
Известен е Центарот за социјални работи-Штип и се преземаат мерки за расчистување на случајот.