Македонија

Пет илјади евра отштета по напад од мечка

Инцидентот се случил во август 2022 година, кога човекот бил нападнат од дивото животно, кое го соборило и го каснало

1 минута за читање

Жител од кичевско ќе добие 5 илјади евра (300.000 илјади денари) надомест за физичка болка и страв што ги доживеал откако бил нападнат и повреден од мечка.

Инцидентот се случил во август 2022 година, кога човекот се враќал од полето кон својата куќа. Според податоците, без никаква провокација, бил нападнат од дивото животно, кое го соборило и го каснало. За време на нападот, тој се здобил со повреди на десната страна од челото и јаболчницата, како и модринки на дланките и бутот.

По инцидентот, тој бил хоспитализиран во Прилепската болница, каде што му биле хируршки третирани рани, а примил и вакцина против беснило. Поради последиците од нападот, тој побарал и психијатриска помош. Според медицинските наоди, болката со висок интензитет траела околу десет дена, особено во главата и дланките.

Основниот суд во Кичево првично досудил 350.000 денари за нематеријална штета. Сепак, по жалбата, случајот беше разгледан од Апелациониот суд во Гостивар, кој ја намали отштетата на 300.000 денари.

Со конечната одлука, на оштетениот му беа досудени 100.000 денари за физичка болка, 100.000 денари за претрпен страв, 50.000 денари за намалување на општата животна активност и 50.000 денари за душевна болка поради деформација.

Поврзани теми:

избор|Кичево|мечка|надомест|нападнат|5.000 евра

Повеќе на оваа тема:

Најнови вести од: Македонија

Устен демарш за албанскиот амбасадор во Македонија Мејдани, поради изјавите, кои претставуваат мешање во нејзините внатрешни работи

„Устен демарш му бил упатен денеска на вонредниот и ополномоштен амбасадор на Република Албанија во Република Македонија Денион Меидани, кој бил повикан во Министерството за надворешни работи и надворешна трговија.“ – објави „Плус инфо“.

Мицкоски: Протестирачите-идни правници, ги прекршија законите за знамиња, за државната химна, Уставот! Имаше и надворешни мешања во внатрешните работи на РМ!

Премиерот на Владата на Република Македонија Христијан Мицкоски изјави дека го поддржува правото на протест, но оцени дека на протестот во Скопје, на кој се бараше правосудниот испит да може да се полага и на албански јазик, биле прекршувани закони и Уставот. „Поддржувам протести секогаш, тоа е демократско право да се поддржат протести. Но, мене лично ми пречитоа што протестантите, коишто практично се правници, коишто се борат за право, го прекршуваат законот, да речеме законот за знамињата. Законот за државната химна, Уставот и така натаму.“ – нагласи премиерот.

Вест важна за македонската евроинтеграција: Пет земји членки на ЕУ предлагаат „систематска“ постепена интеграција на Западниот Балкан во единствениот пазар!

Пет земји членки на Европската Унија предложија „активна и систематска“ постепена интеграција на земјите од Западен Балкан во главните сектори на единствениот пазар на ЕУ пред нивното полноправно членство, врз основа на постигнатите резултати во усогласувањето со европското законодавство и владеењето на правото, со цел да се одржи динамиката на проширувањето, да се забрзаат реформите и да се спречи влијанието на трети земји. Во нон-пејперот, потпишан од Австрија, Чешка, Италија, Словачка и Словенија, се наведува дека постепената интеграција по сектори, „како меѓучекор кон целосната европска интеграција“, треба да се спроведува кога кандидатот ќе покаже високо ниво на усогласеност со правните текови на ЕУ во релевантниот сектор и кредибилна примена на владеењето на правото. Документот предвидува и заштитни мерки во случај на назадување на земјата која добила пристап до пазарот.

Скандал: Мехмети ги повикува Албанците да не учат и да не зборуваат македонски, оти само тој „јазик“ ќе го разберат Македонците, кои не ја сакаат албаноговорна Македонија!

Писателот и публицист Ким Мехмети од Скопје се огласи преку медиумите со свој повик до Албанците од Македонија да не го учат и да не го зборуваат македонскиот јазик, бидејќи, како што нагласува, „само тоа е ‘јазикот’ кој ќе го разберат сограѓаните Македонци, кои го сакаат само мртвиот Албанец и што не ја сакаат Македонија, која би зборувала и на албански“! Мехмети во оваа скандалозно писание изнесува и јавен предлог, или и повик, да се одело и „дури и чекор понатаму“, за создавање некакви паралелни албански институции, како што пишува, „каде што тие ќе доаѓаат со преведувачи на нивниот јазик, додека ние им ќе доаѓаме со преведувачи на нашиот јазик“!

Екс амбасадор со спремно прашање бара референдум за членството на земјава во ЕУ

Референдумското прашање би било: „Дали сте согласни Република Северна Македонија да ги продолжи преговорите за влез во Европската унија со измена во амандманот XXXVI на Уставот на вашата држава и по зборовите …„бошњачкиот народ“, да се додадат зборовите „на хрватскиот народ, на бугарскиот народ, на еврејскиот народ…“

“Samsung” ги лансираше новите генерации на гејмерските Odyssey и професионалните ViewFinity монитори, вклучувајќи го и првиот 6K монитор во индустријата наменет за играње игри

Линијата монитори за 2026 година го предводи пазарот во однос на перформансите, истовремено проширувајќи го пристапот до премиум иновации кај екраните. DisplayPort 2.1 носи перформанси со голем проток за напредни визуелни ефекти низ целата линија Odyssey G8
Сите вести од Македонија

Најнови вести

To top