Ратко Младиќ е правосилно осуден за геноцид, злосторства против човештвото и за воени злосторства од надлежниот меѓународен суд, и ставот на Владата за изјавата на актуелниот директор на Агенцијата за остварување на правата на заедниците, Далибор Китановиќ е јасен:
„Ставот на Далибор Китановиќ е негов личен став и е неприфатлив за Владата. Владата ги гради ставовите врз основа на интересот на државата и граѓаните. Кога таквиот став е изграден тогаш истиот се почитува од страна на сите поединци во Владата. Волунтеризам е неприфатлив и Владата ќе побара од Китановиќ да го повлече ставот. Доколку Китановиќ не се согласува со политиките на Владата очекуваме негово повлекување од позицијата која ја извршува“, велат од Владата.
Актуелниот директор на Агенцијата, “Китановиќ објавил фотокомпозиција, очигледно изработена со вештачка интелигенција, на која Младиќ е прикажан заедно со повеќе личности од српската историја. Меѓу нив е и четничкиот командант Дража Михајловиќ, а врз композицијата со големи букви е напишано: „Генерали на небеската војска”. Со тоа крвникот од Сребреница е сместен меѓу личности претставени како национални херои и митски заштитници на српскиот народ“. пишува Плусинфо.