Македонија

Книжевна вечер во чест на Ѓорче Петров во Софија, за да биде зачуван во колективното помнење на македонските поколенија

Во Македонскиот културно-информативен центар во Софија се одржа книжевната вечер „Црнилата на себеубивањето“, посветена на ликот, делото и историското наследство на Ѓорче Петров, еден од истакнатите дејци на македонското револуционерно движење. Настанот претставуваше можност преку книжевноста да му се оддаде почит на Ѓорче Петров и да се потврди значењето на културното паметење, како и улогата на македонската литература во зачувувањето и пренесувањето на историското наследство на идните генерации. Ѓорче Петров е еден од идеолозите на македонската револуционерна борба за слобода на македонскиот народ и за создавање самостојна македонска држава. Како жесток борец против великобугарскиот врховизам и поради своите чисто македонски позиции, Ѓорче Петров станал најнапаѓаниот член на ВМРО од страна на великобугарските врховисти. Неговиот став кон Бугарија и бугарската политика бил критичен – тој се остро се спротивставувал на бугарските врховистички мешања во внатрешните работи на македонската револуционерна организација.

2 минути за читање

Настанот беше реализиран како дел од годишната програма на Македонскиот културно-информативен центар во Софија, во рамките на програмските активности посветени на афирмацијата на македонската култура, книжевност и историско наследство. Книжевната вечер се надоврза на одбележувањето на 23 Октомври — Денот на македонската револуционерна борба, претставувајќи уште еден настан преку кој се негува сеќавањето на личностите и историските процеси што оставиле значајна трага во македонската историја.

Домаќин на книжевната вечер беше Македонскиот културно-информативен центар во Софија, предводен од директорот, проф. д-р Зоран Пејковски, кој преку својата работа и културните иницијативи придонесува за афирмација на македонската култура, јазик и книжевност, како и за создавање простор за културна соработка, дијалог и размена на идеи.

Круме Ефремов

На почетокот на настанот, свое обраќање имаше амбасадорот на Република Македонија во Република Бугарија Крум Ефремов, кој официјално ја отвори книжевната вечер.

Настанот претставуваше можност преку книжевноста да му се оддаде почит на Ѓорче Петров и да се потврди значењето на културното паметење, како и улогата на македонската литература во зачувувањето и пренесувањето на историското наследство на идните генерации.

Посебно место во програмата имаше драмското дело „Црнила“ на македонскиот драмски автор Коле Чашуле, кое преку уметничката интерпретација на трагичните историски настани отвора прашања за идеалите, човечките судбини, политичките противречности и последиците од внатрешните поделби. Преку ова дело, книжевноста се потврди како мост меѓу минатото и сегашноста, поттикнувајќи размислување за одговорноста, историското паметење и вредностите што се пренесуваат низ генерациите.

За делото „Црнилата на себеубивањето“ и неговите книжевни, историски и идејни значења говореше доц. д-р Анита Ангелевска.

Со организирањето на вакви културни средби, Македонскиот културно-информативен центар во Софија ја потврди својата улога како значаен простор за промоција на македонското книжевно и културно творештво, афирмација на историското наследство и негување на културниот дијалог.

Книжевната вечер „Црнилата на себеубивањето“ помина во знакот на почитта кон Ѓорче Петров и на уверувањето дека литературата има трајна моќ да ги оживува историските личности, да го чува колективното паметење и да ги поврзува културата, историјата и современото општество. Со овој настан, Македонскиот културно-информативен центар уште еднаш ја истакна важноста на континуираното културно дејствување и на одбележувањето на значајните датуми и личности од македонската историја преку книжевноста и уметноста.

Поврзани теми:

топ

Најнови вести од: Македонија

„Н.М.“: За Македонија отворањето на Уставот не смее да биде приоритет! – Во овој опасен геополитички момент по диктат на Бугарија тоа е самоубиствено!

„Сега во овој опасен геополитички момент отворање прашања по диктат на Бугарија е опасно и самоубиствено. Приоритет треба да се внатрешните реформи, зајакнување на демократските капацитети на државата и создавање широк консензус за стратегиските прашања, за националниот интерес.“ – се нагласува во анализата со наслов „Проширувањето може да предизвика геополитички расцеп во Европа – каде тогаш ќе се (с)најде Македонија“, која е објавена во весникот „Нова Македонија“.

(Фото): Општина Карпош и Град Скопје во заедничка инспекциска акција

Во текот на акцијата се вршеа целосни и детални контроли во рамки на надлежностите на инспекциските служби. Во одредени случаи, беше побарана и теренска придружба од униформирани полициски службеници од ПС Карпош.

Мицкоски: Целта е Македонија да биде земја, во која трудот се почитува, а работата обезбедува достоинствен живот

„Денеска се одржа церемонија за потпишување на Националната програма за достоинствена работа 2026–2030 година, со која се потврдува заедничката заложба за унапредување на работничките права, подобрување на работните услови и создавање повеќе можности за економски напредок.“ – објави на својот фејсбук-профил претседателот на Владата на Република Македонија Христијан Мицкоски.

Придонесот на народниот херој Стив Наумов за Македонија, кој се самоуби, за да не им падне жив во раце на бугарските фашистички окупатори

Стефан Наумов-Стив (Битола, 27 октомври 1920 — Болно, 12 септември 1942 ) — е македонски комунист, учесник во НОВ. Бил прогласен за народен херој на Југославија и Македонија на 29 јули 1945 година, како еден од првите борци од Македонија кои го добиле тоа одликување (заедно со Мирче Ацев, Орце Николов, Страшо Пинџур, Христијан Тодоровски-Карпош и Кузман Јосифовски-Питу). Денешната 106-та годишнина од неговото раѓање е повод за ново навраќање кон животот и револуционерната борба на овој Македонец, кој го положи својот млад и неодживеан живот во темелите на денешната македонска држава и слобода.

Стојаноски: Закон да се претворат во редовен работен однос на неопределено време договорите на луѓето, кои работат чесно со години

Бојан Стојаноски, пратеник на Пратеничката група на ВМРО-ДПМНЕ и коалицијата „Твоја Македонија“ го претстави Предлог-законот за трансформација во редовен работен однос.

По 20 години нова биста на народниот херој Стив Наумов пред студентскиот дом во Скопје, кој го носи неговото име

Еден месец по отворањето на темелно реновираните објекти, во студентскиот дом „Стив Наумов“ во скопска Автокоманда поставена е и биста на народниот херој по кого е именуван домот, речиси две децении откога е украдена претходната. Бистата официјално беше откриена денеска во присуство на претставници од Сојузот на борци од НОВ, кои положија цвеќе пред споменикот на Стефан Стив Наумов (1920 – 1942), роден на денешен ден пред 106 години.
Сите вести од Македонија

Најнови вести

To top