Во услови на екстремни температури во центарот на Скопје, граѓанин кој денеска влегол во маркет за да купи вода се соочил со необична ситуација.
Продавачот одбил да му ја наплати водата со платежна картичка, образложувајќи дека „не му се исплати“.
Според исказот, тој влегол во продавницата токму поради високите температури, со намера брзо да купи вода и да плати безготовински.
Сепак, господинот на касата ја одбил трансакцијата, тврдејќи дека за мала сума како една вода, трошоците за провизијата не му се исплати.
Станува збор за Гама Маркет, кој се наоѓа позади Универзална сала во Скопје.
Ситуацијата лесно можела да заврши многу посериозно. Во ваква жега, само неколку минути без вода се доволни човек да се дехидрира, да му се слоши, па дури и да колабира на улица.
Ако граѓанинот веќе бил исцрпен од температурите, одбивањето на плаќањето со картичка можело да значи дека останува без најосновното – вода, во моментот кога му е најпотребна.
Што вели законот?
Според Законот за трговија и прописите за регистрирање на готовински плаќања, трговците се должни да имаат фискална каса поврзана со УЈП, како и ПОС-терминал (читач на картички).
Одбивањето на плаќање со картичка, особено кај малите трговци, е честа пракса поради провизиите (кои за мали објекти се движат околу 0,8–1,3 %), но според експертите тоа е спротивно на законот.
Се надеваме дека Државниот пазарен инспекторат ќе реагира и ќе ги санкционира ваквите случаи, за да престанат да се повторуваат.
Граѓанинот во близина нашол друг маркет каде без проблем купил вода и платил со картичка, но постапката на Гама Маркет останува запаметена.
Најчитани вести
Сиљановска-Давкова дел од прекрасна спонтана атракција во Охрид
Претседателката не одолеала на младешкиот повик и се фатила на оро во Охрид (ВИДЕО)