Македонија

Кога сакаме да гледаме претстава, одиме во театар – рече Филипче за протестот на ДУИ

За претседателот на СДСМ, Венко Филипче, денешниот протест за поддршка на лидерите на УЧК, е уште една од серијата смислени и изрежирани работи кои служат за дефокус од главниот проблем, а тоа се мигранти за пари.

1 минута за читање

Не знам дали следевте и забележавте дека нас нѐ интересира само едно: што ќе правиме со мигрантите? Кога сакаме да гледаме претстава, одиме во театар! Имаме мигранти на вратите на државата, а јас да зборувам за работи од минатото, за војна? Мене ме интересира иднината на Македонија, но не било каква, туку европска. Како да одиме таму ако прифатиме мигранти?

Засекогаш ги затвораме вратите на Македонија. Засекогаш! На кого уште не му е јасно? Сè со цел да ни го одвлечат вниманието од мигрантите. Се занимаваат со политички прогон, кривични пријави, тужби и глупости од 2018 година, сега и протести.

Само уште циркус и слонови на улица не извадија. Не сакам да се занимавам со смислени и изрежирани работи кои служат за дефокус од главниот проблем, а тоа се мигранти за пари – изјави Филипче за Либертас како коментар на денешниот протест.

Поврзани теми:

опозиција|театар|циркус|кртика|ДУИ|Венко Филипче|протест

Повеќе на оваа тема:

Најнови вести од: Македонија

Да се забрани „џанк“ храна во училиштата и да се оданочат зашеќерените пијалаци, бара Клековски

Министерот ги повика граѓаните, особено оние со зголемен ризик или со семејна историја на дијабетес, да не ги игнорираат симптомите како постојан замор, зголемена жед или заматен вид и да направат превентивен преглед.

Тамара Котевска го освои „Британскиот Оскар“ за документарен филм, рамо до рамо со Херцог и Дејвид Атенборо

Македонската режисерка Тамара Котевска, двојно номинирана за ОСКАР и двојно номинирана за ЕМИ, го освои престижното Гран-при признание (за најдобар кино-документарец) на овогодинешното доделување на наградите „Гриерсон“ (Grierson British Documentary Awards) во Лондон, кои во светската кинематографија важат за британски Оскар за документарни филмови.

Се проширува достапноста на банкарските услуги за клиентите на „АЛТА банка“ – од понеделник нова експозитурата во Прилеп

Народната банка продолжува внимателно да ја следи состојбата во „АЛТА банка“ АД Битола и да презема активности за да им се овозможи на сите клиенти полесен пристап до сопствените средства и непречено извршување на платежните услуги.

Владата ги испрати Кривичниот законик и законот за кривична постапка во Брисел на мислење

Министерството за правда на Владата на Република Македонија ги достави Нацрт-кривичниот законик и Нацрт-законот за кривичната постапка до Европската комисија за мислење, со што продолжува процесот на сеопфатна реформа на казненото законодавство и негово усогласување со европските стандарди.

Претседателот на Уставниот суд на РМ Костадиновски за политичките притисоци: Не смее да ја диктираат правдата

Наша должност е да им одолееме на политичките притисоци и да ја држиме политиката во рамките на правото – порача денеска во Охрид претседателот на Уставниот суд, Дарко Костадиновски. Тој оцени дека Уставниот суд е единствената институција што треба да обезбеди политиката и државните органи да ги почитуваат уставните и законските рамки.

ВМРО ДПМНЕ: Скопје има три големи несреќи – Пиколомини, земјотресот во 1963 и СДС!

„Најголеми несреќи кои му се имаат случено на Градот Скопје е палењето од страна на Пиколомини, земјотресот во 1963 и владеењето на СДС во изминатите години: потрошија милионски буџети, а не направија ниту еден проект значаен за граѓаните на Скопје!“ – истакнува ВМРО ДПМНЕ.
Сите вести од Македонија

Најнови вести

To top