Екс министерот за внатрешни работи Оливер Спасовски се јавувал во штипската полиција со цел да издејствува спас на дискотеката на смртта во Кочани.
Ова го открива Плусинфо во објава за деловите од извештајот за телефонската комуникација кои ги објави ИРЛ се во кои не се обелоденети комуникации со видни членови на СДСМ.
Во деловите кои ги нема во објавата на ИРЛ ја нема комуникацијата меѓу синот на газдата на Пулс и човек близок на Оливер Спасовски.
,,Многу интересен пример од тој извештај. На 17 февруари 2022 година, синот на газдата Дејан Јованов – Деко, Михаил, се јавува до извесна Бојана и ја известува дека Оливер Спасовски (тогаш министер за внатрешни работи) се јавувал во полицијата во Штип, за таму да ургира за дискотеката („Оливер Спасовски се е јавувал у Штип у полицијата за нас“)”, објавува Плусинфо.
Во разговорот кој од непознати причини не го објавува ИРЛ Бојана го прашува Михаил зошто се јавувал Оливер Спасовски, дали за да ја намалат казната.
,,За каква казна станува збор? Во претходен разговор, Михаил ѝ кажува на Бојана дека добил информација за казна која требало да им биде наплатена од УЈП, во висина од 40.000 евра. Михаил ѝ објаснува на Бојана дека ургенцијата била со цел да не им досадува полицијата и дека тоа не било полицијата од Штип (се мисли на СВР Штип), туку проблемите биле од полицијата од Кочани”, пишува порталот.
Зошто ИРЛ не ги објавува разговорите во кои се споменуваат високи претставници на СДСМ кога тие се на власт засега не е познато.