Најавената пригодна поштенска марка во чест на подвигот на Сашко Кедев, првиот Македонец што ги искачи сите 14 највисоки планински врвови во светот, денеска е промовирана од „Македонска пошта“.
На неа е овековечена стандардната поза на кардиологот со шалот со натпис „Македонија“ и со македонското знаме во неговите раце при освојувањето на врвовите Монт Еверест (8.848 м), Манаслу (8.163 м), Даулагири (8.167 м), К2 (8.611 м), Броуд Пик (8.047 м), Анапурна 1 (8.091 м), Нанга Парбат (8.126 м), Чо Оју (8.188 м), Макалу (8.463 м), Лоце (8.516 м), Гашербрум 2 (8.035 м), Шишапангма (8.027 м), Канченѕунга (8.586 м) и Гашербрум 1 (8.080 м) по тој редослед меѓу 2009 и 2025 година.