Македонија

Е-трговијата бележи рекорд: За една година, граѓаните потрошиле 950 милиони евра на онлајн купување

Во 2025 година онлајн трансакциите во Македонија пораснале за 32 отсто, што според Асоцијацијата за е-трговија на Македонија (АЕТСМ) укажува на зголемена доверба во дигиталното купување, развој на плаќањата и силен импулс за понатамошен раст на секторот.

2 минути за читање
African American Hands Shopping In Online Ecommerce Store

Е-трговијата во земјава продолжува да бележи силен и континуиран раст, потврдувајќи дека онлајн купувањето сè повеќе станува дел од секојдневието на граѓаните. Во текот на 2025 година биле реализирани онлајн трансакции во вкупна вредност од 950 милиони евра, што претставува значителен пораст од 32 проценти во однос на претходната година. Овие податоци беа презентирани на Годишното собрание на Асоцијацијата за е-трговија на Македонија (АЕТСМ).

Според претседателката на АЕТСМ, Нина Ангеловска-Станков, ваквиот раст е јасен показател за зголемената доверба кај потрошувачите во онлајн купувањето, но и резултат на проширената понуда и напредокот во дигиталните начини на плаќање. Таа истакна дека позитивниот тренд треба да биде дополнителен мотив за унапредување на условите и поддршка на понатамошниот развој на секторот.

На настанот се обрати и директорката на Управата за јавни приходи, Елена Петрова, која ја нагласи улогата на институционалната поддршка и дигиталната трансформација во градењето модерна и конкурентна економија. Таа посочи дека дигитализацијата на фискалните процеси е клучна за создавање фер и транспарентен пазар, како и за намалување на сивата економија и зајакнување на довербата кај потрошувачите.

Од АЕТСМ информираа дека на Собранието било најавено и деветтото издание на регионалната конференција за е-трговија, која ќе се одржи на 3 ноември во Националната опера и балет, со очекувано присуство на повеќе од 900 учесници од регионот на Западен Балкан.

Дополнително, беа презентирани и активностите на Алијансата за родова еднаквост на работното место (ГЕА), која функционира како подружница на АЕТСМ. Во текот на 2025 година биле реализирани бројни иницијативи насочени кон унапредување на родовата еднаквост, а за 2026 година е најавено и петтото јубилејно издание на конференцијата EqualXchange, што ќе се одржи на 19 мај.

Поврзани теми:

актуелно|УЈП|онлајн|пазарење|е-трговија

Повеќе на оваа тема:

Најнови вести од: Македонија

„Реплек“ одбележува 10 години производство на производи од медицински канабис – реализиран и првиот извоз во ЕУ

Во период кога довербата, стандардите и транспарентноста се клучни во развојот на современата фармацевтска индустрија, „Реплек“ одбележува уште еден значаен јубилеј. Компанијата заокружува 10 години од почетокот на сопственото производство и развој на производи на база на медицински канабис, со што уште во 2016 година стана пионер на домашниот пазар, но и еден од првите регионални играчи.

Ѓорѓиевски: Кацаров е привремено решение, следната недела ќе се избира директор на Универзална сала!

По огласот кој пропадна, Универзална сала доби вршител на должност директор. Миро Кацаров таа функција ќе ја врши само до следниот оглас, кога Универзална сала ќе добие свој директор. Градоначалникот на Скопје Орце Ѓорѓиевски за „Курир“ изјави: „Следната недела ќе се распише нов оглас. Повикувам јавно сите заинтересирани кои ги исполнуваат условите да аплицираат. Јас не велам дека секогаш правиме совршени кадрови потези, сите досега се покажале дека се исправни во Град Скопје, затоа и состојбата е таква каква што е, но овде станува збор за културна институција, апсолутно ми е важно мислењето на граѓаните.“

Поповска: Уставниот суд мора да го поништи Вториот протокол, оти ни наложува преку „Бугари во Устав“ бугаризација и себеукинување како народ и држава со идентитет, континуитет и историја!

„Вториот протокол ни наложува бугаризација на Македонците и себеукинување како народ и држава со свој идентитет, континуитет и историја. А бугаризацијата треба да започне со навидум, безопасно внесување на Бугарите во Уставот и усогласување на целото важечко законодавство со измените. Вистински преседан е, еден подзаконски акт, па уште и незаконски донесен и правно невалиден, да наметнува измена на преамбулата на Уставот и на целото важечко законодавство. Со сево ова, протоколот задира во темелните вредности на нашиот уставен поредок. Протоколот е непремостлива пречка за евроинтеграцијата, со оглед на апсурдноста на обврските и невозможноста тие да бидат исполнети од страна на Македонија како самостојна и суверена држава. Важно е да се утврди официјално ништовноста на документот и неговата неодржливост како елемент во преговарачката рамка и во придружните документи. “ – нагласува Лилјана Поповска во својата колумна со наслов „Протоколот е отров, неговото уставно поништување – противотров“, која ја објави „Плус инфо“.

Galaxy S26 – телефон кој ги презема задачите за кои досега ви беше потребен лаптоп

Работниот ден одамна се пресели од канцеларијата во движење, каде што телефонот сè почесто станува првата алатка за е-пошта, белешки, измени и брзи одлуки.
Затоа се менува и неговата улога: од екран за проверка на информации до алатка за конкретна работа.

(Фото): Емина Јаховиќ направи спектакл во Скопје – прошета низ цела сала и се поклони на публиката

Кулминација на концертот беше кога почна да раскажува анегдота како ја добила песната „Дал она зна“, а публиката почна да пее на цел глас на првите отсвирени ноти, дури и пред самата Емина да запее.

Мицкоски: Раководството на СДСМ нека продолжи да коленичи кај што коленичи, а ние сме насочени на многу посуштинското – реформите, одошто „Бугари во Устав“’!

Реформите не се само промени на Уставот. Ние сме фокусирани на суштинските работи – истакна премиерот Христијан Мицкоски одговарајќи на новинарско прашање за исполнувањето на реформската агенда по посетата на општина Кичево.
Сите вести од Македонија

Најнови вести

To top