Колариќ во објава на општествените мрежи истакнува: Советот на Општина Кисела Вода денес, на 10 септември 2026 година, работеше под притисок и сценарио режирано од страна на советникот Петар од Левица. Навреди и недолични зборови од место, провокации до градоначалничка и останати советници, гримаси, упатување закани за деца на градоначалник, покажување со прст и закани кон мене со приод до мојата говорница, се 80 отсто работа во Советот од страна овој човек.
Кога стана и ми пријде со прст и закана се исплашив и побарав обезбедување. По кратката пауза, која ја направив, најверојатно тој се исплаши да не повикам полиција, па монтираа веднаш кратко видео, на кое се прикажува дека е жртва. Политиките на Левица се да прават сценарија налик на „Шарената револуција“, која се покажа како најголемо зло во Македонија.
Кога еден насилник на крајот прикажува дека е жртва се опишува како DARVO: Deny, Attack, Reverse Victim and Offender — негирање, напад и превртување на улогите на жртва и насилник, тогаш тој треба да си побара лекарска помош.
Жалам за младиот човек, но жалам и за оние, кои му дадоа доверба да ги застапува во Советот на Општина Кисела Вода – наведува претседателката на Советот на општина Кисела Вода Светлана Колариќ на својот фејсбук-профил.