Иако навидум текстот е насочен против политиките на СДСМ, колумната на авторката Јана Куновска на порталот Цивил медиа содржи грозоморни навреди кон дел од македонските граѓани, кои ги опишува како „300.000 сељачка, зла и неписмена банда“.
Од контекстот е јасно дека станува збор за 300 илјади гласачи на ВМРО-ДПМНЕ кое сега е на власт.
Критиката зошто СДСМ не им зборувал на граѓаните за придобивките од членството во ЕУ што ја дава Куновска, во еден момент прераснува во говор на омраза кон огромен дел од населението поради нивните политички убедувања и ставови кон ЕУ.
Навредите кон актуелната власт и кон Македонците се содржани во нејзината колумна, со наслов „Отидовте ли на одмор, СДСМ?“
Цивил Медиа се оградува од колумната со тврдење дека ставовите на авторот не се ставови на порталот.
Сопатвеник и уредник на Цивил медиа е Џабир Дерала кој е познат по тоа што учествуваше на митинг на СДСМ и како поддржувач на политики на СДСМ.