Македонија

Критики и пофалби за законот за заштита од пушење – Може ли неговата примена да го расчисти чадот од цигарите?!

По години колебање, половични решенија и слаба примена на постојната регулатива, државата повторно се обидува радикално да го ограничи пушењето. Новиот предлог-закон за заштита од тутун и од никотин предвидува една од најстрогите рамки досега: не само со забрана за пушење во речиси сите јавни и работни простори туку и со целосно отстранување на тутунот од рекламирањето, медиумите, културните и спортските настани.

2 минути за читање

Пушењето цигари мора да се намали, но и да се укине. Македонија воведува ригорозни забрани и казни за пушење. Новиот закон на тест на јавноста – ќе поминат ли ограничувања за цигари, електронски цигари и ароми за заштита на здравјето? Некои го поздравуваат, други остро го критикуваат законот за заштита од пушење, конкретно ограничувањето на продажбата и забраната за пушење во јавни и работни простории. Граѓаните, главно помладите, сметаат дека ова е одличен чекор на државата, со што би се ставил крај на штетноста од цигарите, главно во локалите каде на големо се пуши. Новиот предлог-закон за заштита од пушење, објавен на ЕНЕР, предизвика и силни реакции во јавноста. Оние граѓани кои пушат цел живот, велат тешко дека ќе се откажат, затоа не се согласуваат со негова примена.

По години колебање, половични решенија и слаба примена на постојната регулатива, државата повторно се обидува радикално да го ограничи пушењето, колку ќе успее останува да видиме.

Македонија долго време е на листата на земји со повисоки стапки на пушење во регионот. Анализите покажуваат алармантни податоци – 40% од младите до 18 години пушат, а најфрапантно е што децата веќе на 13 годишна возраст посегнуваат по цигарите.

Што предвидува предлог-законот за пушење?

Предлог-законот е објавен на ЕНЕР, каде што граѓаните и организациите можат да учествуваат во јавната расправа. Дали законските измени ќе претрпат промени ќе се знае наскоро. Законот предвидува:

  • Целосна забрана за пушење во јавни и работни простории.
  • Забрана за рекламирање, промоција и спонзорство од страна на тутунската индустрија.
  • Ограничување на продажбата и изложувањето на тутунски и никотински производи.
  • Усогласување со европската регулатива и меѓународните обврски

Поврзани теми:

закон за пушење|локали|топ|цигари|граѓани|автомобили|кафани|јавност|Предлог закон

Повеќе на оваа тема:

Најнови вести од: Македонија

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

Сите вести од Македонија

Најнови вести

To top