Поднесена е кривична пријава против полициски службеник од СВР Скопје за кривично дело „тешка кражба“ и одреден му е 30-дневен притвор. „Одделот за внатрешна контрола, криминалистички истраги и професионални стандарди при Министерството за внатрешни работи поднесе до Основното јавно обвинителство од Скопје поднесе кривична пријава против Н.А., вработен во Полициската станица Аеродром при СВР Скопје, поради постоење основи на сомневање за сторено кривично дело „тешка кражба“, предвидено и казниво и со кривичното дело „соизвршителство“, информираат од МВР.
„Пријавениот во повеќе наврати од 5 јануари 2025 до 7 мај 2025 година со претходен меѓусебен договор и со заедничко дејствување со три лица од Скопје, украле бакарни кабли – јавни инсталации, кои содржат бакар од објекти на Акционерско друштво од Скопје, сместени во кругот на поранешна фабрика од Скопје. Одделот за внатрешна контрола, криминалистички истраги и професионални стандарди ќе поднесе против Н.А предлог за утврдување дисциплинска одговорност и ќе изрече задолжителна мерка отстранување од работното место – суспензија.“ – соопшти МВР.