Македонија

Лоцирани тројцата кодоши на АНБ кои давале лажни податоци за отворање досие за новинар

Од неговите описи упатените можат веднаш да направат фотороботи на соработниците на АНБ го кодошеле новинарот

Еден од новинарите кои извесно биле следени од Агенцијата за национална безбедност кога директор бил Викторио Димовски а началник Јовче Ременски го дава профилот на тројцата луѓе кои биле извори или кодоши на АНБ и врз основа на чии изјави било отворено досие за следење.

Уредникот на Радио Лидер Љупчо Златев кој е најверојатно жртва на следење од АНБ за Плусинфо вели сака да го види Виктор Димовски зад решетки.

Златев вели дека уште во далечната 2019 свиркачи од АНБ му посочиле дека бил следен со посебни истражни мерки.

,,Податоците кои ги имам се дека во периодот од 2019 до 2024 година за мене се отворани апсурдни предмети, кои имаат единствена цел да бидам ставен под посебни истражни мерки, односно да бидам следен и прислушуван. Белешките кои се користеле, се искази за луди сценарија, кои на службата ѝ ги кажувале некакви соработници. Содржината е измислена, а соработниците случајно ги познавам, односно се луѓе кои постојано ми се појавувале од некаде, сакајќи да имаат комуникација или некаква соработка со мене”, вели Златев давајќи го профилот на тројца соработници.

,,Еден од нив е осуден за убиство на дете и старец, друг е подкастер и некаков уредник, трет е измамник кој пропадна една од најголемите градежни компании во земјава”, вели Златев од чии описи упатените можат веднаш да направат фоторобот на соработниците на АНБ го кодошеле новинарот.

,,Во меѓувреме, кога беше Виктор Димовски директор на АНБ, агенцијата поднесе кривична пријава против мене и почна судска постапка за „Оддавање на државна тајна“, која трае до ден денес. Во меѓувреме, Стејт Департментот, во извештајот за човековите права во Македонија, го спомна моето име како елементарен пример за неоснована репресија врз новинар од страна на тајната служба. Чекам разрешница на овој апсурден случај, кој во изминатите пет години предизвикува огромна загриженост во моето семејство. Но, чекам и да го видам Виктор Димовски зад решетки. За кодошите, ќе ги оставам тешките муабети на страна, нив универзумот доволно ги казнил”, вели Златев за Плусинфо.

Која е обвинителката која била следена од АНБ на овој ЛИНК

Еден обвинител со пристап до ПИМ мерки добил огромна моќ во Македонија – повеќе на овој ЛИНК

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top