Македонија

Лукровски ветува ред и развој за Карпош со амбициозна програма

ВМРО-ДПМНЕ во соопштение за општина Карпош истакнува дека изминатите четири години општината доживеала целосен пад, со хаос и безредие наместо реализација на проекти и подобрување на квалитетот на животот

2 минути за читање
facebook.com/SotirLukrovskiKarpos

ВМРО-ДПМНЕ во соопштение за општина Карпош истакнува дека изминатите четири години општината доживеала целосен пад, со хаос и безредие наместо реализација на проекти и подобрување на квалитетот на животот. Партијата го промовира Сотир Лукровски како кандидат за градоначалник, за кој велат дека е „човек кој ќе се однесува домаќински со општинските пари, ќе ги решава проблемите на карпошани и ќе ги слуша нивните барања“. Според партијата, Лукровски има план, визија и стратегија за да ја направи Карпош зелена, чиста и модерна општина.

Во својата програма, Лукровски ветува изградба на нова рекреативна зона наречена „Карпош хајкинг делта“, со пешачки и велосипедски патеки, летниковци и пошумување со 10.000 нови садници. На површина од половина милион квадратни метри планира да се изгради мегазабавен парк „1020“, кој ќе вклучува модерен спортски центар, картинг-патека и комплекс за мини-голф покрај реката Лепенец. „Тоа ќе биде простор за спорт, адреналин и за рекреација, отворен за сите генерации, но и ново обележје што ќе го стави Карпош на мапата на модерните општини“, соопштува ВМРО-ДПМНЕ.

За решавање на сообраќајниот метеж, Лукровски планира изградба на 600 нови паркинг места. Покрај тоа, преку апликацијата „МОЈ Карпош“ граѓаните ќе можат да пријавуваат проблеми, а надлежните веднаш да реагираат. За најмладите се предвидува изградба на нова детска градинка и проширување на постоечките, додека субвенциите за реконструкција на фасадите на зградите ќе овозможат поголема енергетска ефикасност, пониски сметки и поубава урбана слика. Исто така, се планира изградба на два затворени училишни базени за пливање и рекреација на децата.

„Вие граѓаните одлучувате дали работите ќе се променат на подобро или Карпош ќе продолжи да тоне во ѓубре и смет. Промените се во вашите раце, затоа ги повикуваме карпошани на 19 октомври да излезат и да гласаат за вистинскиот избор, за твојот човек, за твоето место, за твојата иднина, Сотир Лукровски и советничката листа предводена од ВМРО-ДПМНЕ. Заокружи 9“, порачува партијата.

Поврзани теми:

актуелно|градоначалник|ВМРО-ДПМНЕ|Карпош|Сотир Лукровски

Повеќе на оваа тема:

Најнови вести од: Македонија

М-НАВ: Апелација ја потврди пресудата со која се забранува најавениот штрајк на ССКЛ

Апелацискиот суд Скопје ја одби жалбата на Струковиот синдикат на контролори на летање (ССКЛ) и ја потврди првостепената одлука со која се забранува организирањето на најавениот штрајк за октомври 2025 година. Веста денеска ја соопшти адвокатот Горан Николоски, правен застапник на Македонска навигација. Со оваа одлука, решението на Основниот граѓански суд Скопје стана правосилно, со што се оневозможува реализацијата на штрајкот кој предвидуваше ограничување на летовите и делумно затворање на македонскиот воздушен простор.

Владата на Македонија најавува шест автопати во исто време: ќе се градат Скопје – Блаце и Кичево – Букојчани, Кичево-Охрид конечно пред целосно завршување!

Во втората половина од годинава во Република Македонија истовремено ќе се градат шест автопатски делници, најави Владата. Според плановите, кон крајот на овој месец или на почетокот на следниот ќе започнат градежните активности на втората делница од автопатот Скопје – Блаце, додека во септември или октомври се очекува старт и на изградбата на автопатот Кичево – Букојчани.

Ќе се градат автопатите Скопје-Блаце и Кичево-Букојчани, а Кичево-Охрид конечно пред целосно завршување

Истовремена изградба на шест автопатски делници во државата во текот на втората половина од годината – најавува Владата. Кон крајот на овој месец или во почетокот на следниот се очекува да почнат работи на терен за вториот дел од автопатот Скопје – Блаце, а во септември или октомври и градежните работи за автопатот Кичево – Букојчани. На терен се заокружуваат работите за целосно ставање во функција на автопатот Кичево – Охрид, а се работи и на делниците Тетово – Гостивар, Гостивар – Букојчани и Прилеп – Битола од проектот со „Бехтел и Енка“.

Ексградоначалникот на Карпош Стевчо Јакимовски оди една година во затвор, поради кривичното дело „бесправна градба“

Предметот е кај судија за извршување казни, откако Апелацискиот суд ја потврди првостепената пресуда против поранешниот градоначалник на Општина Карпош Стевчо Јакимовски, со која му е изречена казна затвор од една година за кривичното дело „бесправно градење“. Како што соопшти Основниот кривичен суд Скопје, Второстепениот суд, постапувајќи по жалбите на обвинетите и на Јавното обвинителство, донел пресуда со која ја потврдува казната за делото „Бесправно градење“. Во изречената казна ќе му биде пресметан и периодот поминат во куќен притвор, од 19 март до 15 август 2019 година.

Експотпретседателот на СДСМ и ексдиректор на Царината Стефан Богоев, фатен со мито за за местење тендер, излегува од притвор! – Судот прифати гаранција од 55 илјади евра!

Кривичниот совет при Основниот кривичен суд Скопје ја уважи жалбата на осомничениот Стефан Богоев и ја прифати понудената гаранција, со што се укинува мерката притвор што претходно му беше определена во траење од 30 дена. Претгодно, во текот на истиов ден, на 9 јуни, ВМРО ДПМНЕ соопшти: „Поранешниот потпретседател на СДС и дете на Заев Стефан Богоев е фатен со мито за местење тендер“. „Стефан Богоев- Богац, поранешен директор на Царинска управа од СДС, наместил тендер за одржување на хигиена на граничните премини и терминали во вредност од 18 милиони евра. Од свиркачи ВМРО ДПМНЕ дознава дека дека Богац ќе добиел 10% од тендерот кој самиот го наместил. Тендерот бил во вредност од 18 милиони денари, па ако на Богац му биле ветени 10%, тоа значи дека тој ќе инкасирал 1,8 милиони денари. Според ова, се разоткрива уште една тендерска шема на СДС, а ВМРО ДПМНЕ го повика Јавното обвинителство да истражи дали ова е единствениот тендер кој Стефан Богоев-Богац го наместил за време на мандатот на директор.“ – имаше нагласено ВМРО ДПМНЕ. Но, наспроти сите овие сериозни индикации, се соопштува денес дека судот донел одлука за  пуштање на Богоев од притвор, која била донесена по жалба изјавена против решението на судија на претходна постапка од 4 јуни 2026 година, со кое, по предлог на надлежниот јавен обвинител, на Богоев му беше определен притвор.

ВМРО ДПМНЕ: Кога СДС говори за корупција нека си го исчисти прво дворот, полн со криминалци! – Македонија предводи со реформите во регионот!

Од Планот за раст за спроведени реформи 65,7 милиони евра се за Македонија и нејзината Реформската агенда, најмногу од целиот регион, а кога СДС говори за корупцијата нека почне прво со чистење на својот двор кој е полн со криминалци!“ – истакнува ВМРО ДПМНЕ во своето соопштение.
Сите вести од Македонија

Најнови вести

To top