Македонија

Македонската независност прославена во Брисел: Чествување на идентитетот и традицијата

На 8 септември 1991 година, граѓаните на Македонија на референдум ја потврдија својата посветеност на независноста, отворајќи го патот кон изградба на модерна, суверена и демократска држава – изјави министерот за надворешни работи и надворешна трговија Тимчо Муцунски во видео обраќање на приемот одржан синоќа во зградата на Градскиот совет на Брисел по повод Денот на македонската независност – 8 Септември.

На 8 септември 1991 година, граѓаните на Македонија на референдум ја потврдија својата посветеност на независноста, отворајќи го патот кон изградба на модерна, суверена и демократска држава – изјави министерот за надворешни работи и надворешна трговија Тимчо Муцунски во видео обраќање на приемот одржан синоќа во зградата на Градскиот совет на Брисел по повод Денот на македонската независност – 8 Септември.

– Ова беше кулминација на вековниот стремеж за самоопределување и достоинствен живот во нашата земја. Во текот на изминатите 34 години, нашата земја помина низ длабока трансформација и целосен процес на демократска транзиција – рече Муцунски.

Тој нагласи дека и покрај предизвиците, македонскиот народ го зачувал својот идентитет, јазик и традиција, прифаќајќи ги слободата и демократијата, за што, како што рече, „искрено сме им благодарни на Европската Унија и на нејзините членки“.

– Денес, нашата држава е релевантен актер на меѓународната сцена како членка на Обединетите нации, горд НАТО сојузник, целосно усогласена со заедничката надворешна и безбедносна политика на ЕУ и потписничка на безбедносното партнерство, со што активно придонесуваме за глобалниот мир и безбедност – додаде Муцунски.

Шефот на дипломатијата истакна дека членството во ЕУ останува политички приоритет број еден на земјата, не само со зборови, туку и со реални реформи и дела.

– Тоа е иднината што нашите граѓани ја избраа пред 34 години – силна, суверена и независна земја, дел од европското семејство. Во духот на сопствената одговорност да продолжиме да ја градиме и зајакнуваме нашата земја, бидејќи независноста не е настан од минатото, туку процес што продолжува секојдневно. Цврсто верувам дека еден ден сонцето ќе свети покрај ѕвездите на Европската Унија – додаде Муцунски во видео обраќањето.

Во име на организаторите на приемот, в.д. постојан претставник на земјава во НАТО, Исмаил Ебипи, вршителката на работите во Македонската амбасада во Белгија, Сузана Мехмеди, и воениот претставник на државата во НАТО и ЕУ, полковник Ивица Ампов, пред присутните гости се обрати шефот на македонската мисија во ЕУ, Зулфи Исмаили.

Амбасадорот Исмаили истакна дека од Денот на независноста во 1991 година, земјата поминала пат на трансформација, од предизвикувачките почетоци кога и била потребна поддршка од меѓународната заедница, до приклучување кон повеќето меѓународни организации и станување сигурен и вреден член на меѓународната заедница.

– Уште од самиот почеток нашиот Парламент едногласно одлучи дека двете главни стратешки цели ќе бидат членството во НАТО и ЕУ – порача Исмаили пред претставниците на Алијансата, меѓу кои и заменик генералната секретарка на Пактот, Радмила Шекеринска, на институциите на Унијата, белгиските власти, членовите на дипломатскиот кор во Брисел и припадниците на македонската дијаспора во Белгија.

Исмаили нагласи дека и покрај многуте предизвици на патот кон ЕУ, земјата никогаш не се откажала од својата цел за членство, што е потврдено и со постојаната поддршка од граѓаните.

– Оваа посветеност ја потврди и неодамнешниот Евробарометар, покажувајќи дека околу 70 отсто од нашите граѓани имаат позитивен став и силна доверба во нашите аспирации за членство во ЕУ. Постепената интеграција или, како што сакаме да ја наречеме, забрзана интеграција, како што се Планот за раст, делумната интеграција во единствениот пазар и потпишувањето на нашето партнерство во безбедност и одбрана како прва земја во регионот, се значајни чекори што носат придобивки уште пред нашето членство – додаде Исмаили.

Тој потсети дека годинава се одбележува и петтата годишнина од членството во НАТО, каде земјата покажува дека е вреден член на Алијансата, обезбедувајќи стабилност, особено во регионот, во услови на големи предизвици.

На приемот настапи македонската пејачка Елена Петреска, која изведе неколку народни и популарни песни, а присутните уживаа во традиционална храна подготвена од членовите на македонските мисии и Амбасадата во Брисел и нивните семејства.

Гостите имаа можност да вкусат пити, домашна погача, ѓомлезе, ајвар, тавче гравче, сарма, различни видови сирења и други македонски специјалитети, придружени со македонски вина.

Најнови вести од: Македонија

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

„КАЖИ НЕ!“ – кампања на МВР против сексуалната злоупотреба на деца во дигиталниот простор (ВИДЕО)

Целта на кампањата е да се подигне свеста кај децата, младите, родителите и пошироката јавност за препознавање и спречување на сексуалната злоупотреба во дигиталниот простор

Најнови вести

To top