Македонија

Македонски глас ја освојува Европа: Тина Русева – победничка на „The Voice of Europe“(ВИДЕО)

Младата и исклучително талентирана пејачка од Струмица, Тина Русева, го освои првото место на престижното европско музичко натпреварување „The Voice of Europe“ 2025!

2 минути за читање

Младата и исклучително талентирана пејачка од Струмица, Тина Русева, го освои првото место на престижното европско музичко натпреварување „The Voice of Europe“ 2025!

21-годишната Тина, која веќе десетина години живее во Германија со своето семејство, во финалето убедливо ги надмина сите конкуренти благодарение на гласовите на публиката и високите оценки од професионалното жири. Таа се претстави со неверојатна емоција, техника и моќен глас, што повторно ги потсети сите зошто во „The Voice of Germany“ ја споредуваа со легенди како Витни Хјустон и Селин Дион – а многумина тогаш велeа дека на моменти звучи дури и подобро од оригиналните изведби.

По објавувањето на резултатите, Тина веднаш се огласи на социјалните мрежи, видливо возбудена и благодарна:

„Не знам што да кажам, тотално сум збунета. Но еве ќе ви кажам, едно искрено, најискрено благодарам за сите вас што гласавте, го шерувавте видеото да стигне до што повеќе луѓе… Навистина не знам каде се наоѓам моментално, ама голема благодарност до сите вас.“

Ова е уште еден огромен успех за младата уметница која со години го гради своето име на европската музичка сцена. Од натпреварувањето во Германија, преку бројни настапи и сега до европскиот триумф – Тина Русева докажува дека талентот од Струмица може да блесне на најголемите сцени.

Честитки, Тина! Македонија е горда на тебе! 🇲🇰🎤✨

Поврзани теми:

Македонија|Тина Русева|победник|Струмичанка|The Voice of Europe|топ|актуелно

Повеќе на оваа тема:

Најнови вести од: Македонија

Литовски: Битолскиот одред „Пелистер“ разбиен на 3.5.1942 од бугарските окупатори, кои ја усмртија Елпида, влечејќи ја врзана за кола низ селата, за да ги заплашат Македонците!

На денешен ден, на 3 мај 1942 година, над селото Ореово, Битолско, Битолскиот народноослободителен партизански одред „Пелистер“ бил опкружен и разбиен од бугарската фашистичка окупаторска војска и полиција, откако преку предавство бил лоциран еден ден претходно. Оваа единица на НОВ и ПО на Македонија била формирана на 22 април 1942 г. од 19 борци. Во борбата загинаа народниот херој Елпида Караманди, која била тешко ранета, заробена и набрзо свирепо убиена, Димитар Николовски-Таќи Даскало, Димче Хаџи Поповски, Мара Јосифовска-Ѓурѓа, Ордан Михајловски-Оцката и Ордан Орданоски-Сандански. Сите биле борци на овој партизански одред. Ова го истакнува универзитетскиот професор и историчар д-р Александар Литовски од Институтот за национална историја од Скопје во својата научна статија со наслов „ 3.

„Скопје1.мк“: „Малолетници под дејство на алкохол со ножеви в рака тргнаа кон мене!“ – вознемирувачко сведоштво од автобус во Скопје

Празничен ден, пикник и детска радост, но за неколку минути сè се претворило во сцена на страв и насилство. Скопјанката Наташа Младеновска сведочи за инцидент во автобус од Водно кон центарот на Скопје, во кој учествувале малолетници, а ситуацијата ескалирала до вадење ножеви.

„МКД.мк“: Во Липково вчера се „славеше„ „слободна територија Карадак“ од конфликтот во 2001 година!

Во Липково вчера беше „прославен“ 2 мај, за општината познат како „Ден на прогласувањето на слободната зона Карадак“, Кумановско, и како Ден на општината. На својот фејсбук-профил пратеникот Ријад Шаќири од Алијансата на Албанците од колицијата Вреди, напиша дека заедно со градоначалникот Еркан Арифи (од ДУИ), општинските советници на гробиштата „оддадоа почит на мачениците кои ги положија своите животи во 2001 година“. Ова го објави информативниот портал „МКД.мк“

Али Ахмети го „прослави“ 2 мај, „Денот на прогласувањето на Карадак како зона ослободена од УЧК во 2001“ и порача: Тоа е и натаму „симбол на отпор“!

Лидерот на ДУИ Али Ахмети вчера го „прослави“ 2 мај „Денот на прогласувањето на Карадак како ослободена територија“ од страна на УЧК во 2001 година“, означувајќи го овој датум како „важен момент во новата историја“. „Во Слупчане е напишана една од најзначајните страници, а прогласувањето на Карадак како слободна зона е доказ за решителност за слобода, достоинство и еднаквост. Карадак и неговите жители остануваат симбол на отпор и единство за поправична иднина.“ – рече Ахмети. Со оваа своја порака тој отвори дилема: каков „симбол на отпор“, но и кон кого, продолжува да биде и денес ова „прогласување територија ослободена од борците на УЧК во мај 2001“?! Претседателот на ДУИ Ахмети „прославува“ и денес „25 години од прогласувањето слободна зона“ инаку на територијата на унитарната држава Македонија!
Сите вести од Македонија

Најнови вести

To top